Translation tool beta version. Translation quality may be not a good
| ეს საინტერესოა: გაიშიფრა საიდუმლო გერმანული საზოგადოების ჩანაწერები |  | World News | |
 მათემატიკოსებმა XVIII საუკუნის საიდუმლო მანუსკრიპტის გაშიფვრა შეძლეს, რომელიც ცნობილია როგორც კოპიალის შიფრი (Copiale Cipher). ამის შესახებ შეტყობინებულია სამხრეთ კალიფორნიის უნივერსიტეტის საიტზე, რომლის თანამშრომლებიც მუშაობაში მონაწილეობდნენ.ორიგინალური ტექსტი გახლავთ რაღაც გერმანული საიდუმლო საზოგადოების რიტუალებისა და პოლიტიკური შეხედულებების აღწერები. იგი 105 გვერდისა და დაახლოებით 75 ათასი სიმბოლოსაგან შედგება. გამოკვლევების შედეგები - სიმბოლოთა შესაბამისობის ცხრილები, ორიგინალური ტექსტი, პირველი 16 გვერდის მეთოდოლოგია და თარგმანი - ინტერნეტშია განთავსებული, რომლებთანაც წვდომა ღიაა. მანუსკრიპტის აღმოჩენის ზუსტი თარიღი უცნობია, თუმცა, ცნობილია, რომ იგი რამდენიმე ათწლეულის წინ აღმოსავლეთ გერმანიაში Akademie der Künste-ის არქივებში იპოვეს. ბოლო დრომდე მეცნიერები გაშიფვრის სერიოზულ მცდელობებს არ ახორციელებდნენ, სანამ საქმეში არ ჩაერთო მკვლევართა გუნდი სამხრეთ კალიფორნიის უნივერსიტეტიდან კევინ ნაიტის ხელმძღვანელობით. მუშაობის ფარგლებში მეცნიერებმა რამდენიმე მეთოდი გადასინჯეს. თავიდან ისინი ვარაუდობდნენ, რომ ტექსტში აზრს მხოლოდ ლათინური სიმბოლოები ატარებს, მაშინ, როცა დანარჩენი სიმბოლოები დამატებულია იმისათვის, რათა არასასურველ მკითხველს თავგზა აუბნიოს. ამ ვარაუდიდან გამომდინარე ტექსტის გაშიფვრა ვერ მოხერხდა. საქმე რთულდებოდა იმთ, რომ მეცნიერებისთვის ორიგინალი ენა უცნობი იყო. მაშინ მეცნიერებმა ივარაუდეს, რომ შიფრი სრულიად პირიქით არის მოწყობილი - ლათინური ასოები საერთოდ არ ატარებსაზრს, მაშინ, როცა სწორედ დანარჩენი სიმბოლოები აკოდირებს ინფორმაციას. სტატისტიკური ანალიზის შემდეგ მათ შეძლეს დადგენა იმისა, რომ ტექსტი დაწერილია გერმანულ ენაზე. ამას გარდა, მათ ტექსტის რამდენიმე გვერდის გაშიფვრა მოახერხეს. მკვლევართა თქმით, ისინი რამდენადმე იმედგაცრუებულები დარჩნენ, ვინაიდან ეგონათ, რომ შიფრი უფრო რთული იქნებოდა. Source - day.az
Share to:https://www.aspurcela.ge/asp-News_-_file_-_article_-_sid_-_3769.html
| |||
| Posted by Drakula | 28 Oct 2011, 20:54 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.