Translation tool beta version. Translation quality may be not a good
| პოლიტიკა: ჟან-კლოდ მინიონი: „ახალგორმა ბერლინის კედელი გამახსენა“ |  | Georgian News | |
 PACE-ში საფრანგეთის დეპუტაციის ლიდერს ახალგორმა ბერლინის კედელი გაახსენა. ამის შესახებ ჟან-კლოდ მინიონმა საქართველოში ვიზიტის უკანასკნელ დღეს განაცხადა. მისი თქმით, როდესაც თავად დაინახა საოკუპაციო ხაზი თბილისის მახლობლად ოძისის სოფელში, მან ის წლები გაიხსენა, როდესაც ჯარში მსახურობის დროს ბერლინში გარკვეული პერიოდი გაატარა და ორ ნაწილად დაყოფილ გერმანულ ქალაქს ხედავდა. მომავალი წლიდან, მინიონი ოფიციალურად დაიკავებს PACE-ის პრეზიდენტის თანამდებობას.ფრანგი პოლიტიკოსის თქმით, მისი ერთ-ერთი პრიორიტეტი იქნება საქართველოს ტერიტორიების დეოკუპაცია და ქართულ-რუსული კონფლიქტის დარეგულირება. „საქართველოს ჩემ ვიზიტს დადებითად ვაფასებ. საქართველო ევროპის საბჭოს წინაშე აღებულ ყველა ვალდებულებას ასრულებს. ჩვენ ადგილზე შევისწავლეთ ქვეყანაში მიმდინარე პროცესები, რომლებსაც აქამდე მხოლოდ დოკუმენტებით ვეცნობოდით. ჩვენ ვიყავით ოძისში, ახალგორის მახლობლად, სადაც რუსული ჯარები დგას. საზღვარზე ყოფნის დროს მე წარსული გავიხსენე, როდესაც ბერლინში ჯარში ვმსახურობდი. მაშინ ქალაქს კედელი გამოყოფდა, იდგა პოსტები. მაშინ ვიფიქრე, რომ მათ ევროპაში აღარასდროს ვნახავდი. მაგრამ დღეს ეს ახალგორთან დავინახე და ამან ჩემზე ძლიერ იმოქმედა. ჩვენ მაღალი რანგის პოლიტიკოსებს შევხვდით და ჩემ მიერ დასმულ ყველა შეკითხვაზე ამომწურავი პასუხები მივიღე. ჩემი წინასაარჩევნო კამპანიის წინ განვაცხადე, რომ ჩემი პრიორიტეტი ე. წ. გაყინული კონფლიქტების აღმოფხვრა იქნება. მიმაჩნია, რომ საქართველოსა და რუსეთს შორის არსებული სიტუაცია სწორედ ასეთი კონფლიქტია“, - აღნიშნა მინიონმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3768.html
| |||
| Posted by Drakula | 28 Oct 2011, 20:53 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.22 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.