Translation tool beta version. Translation quality may be not a good
| პოლიტიკა: ჯონ ბეინერი: რუსეთი შემოუერთდება მსო-ს, თუ საქართველოს მთლიანობას აღიარებს |  | Georgian News | |
 აშშ-მ რუსეთის მსოფლიო სავაჭრო ორგანიზაციაში შესვლას მხოლოდ იმ პირობით უნდა დაუჭიროს მხარი, თუ რუსეთი საქართველოს ტერიტორიულ მთლიანობას აღიარებს. ასეთი განცხადება გააკეთა აშშ-ის კონგრესის წარმომადგენელთა პალატის სპიკერმა, რესპუბლიკელმა ჯონ ბეინერმა ანალიტიკურ ცენტრ Heritage Foundation-ში კონფერენციაზე გამოსვლის დროს.„აშშ-ს ადმინისტრაციამ ამ სიტუაციიდან გამოსავალი იმგვარად უნდა მონახოს, რომ საქართველოს ტერიტორიულ მთლიანობას პატივი სცეს“, - ხაზი გაუსვა ბეინერმა მოსკოვის მიერ 2008 წლის ომამდე მდგომარეობის მიხედვით ქართული საზღვრების აღიარების აუცილებლობას. - მხოლოდ მაშინ შეიძლება რუსეთის მსო-ში გაწევრიანების საკითხის განხილვა“, - გადმოსცემს „უკრინფორმი“. მან შეახსენა, რომ რუსეთის მსო-ში შესვლის დროს კონგრესმა უნდა მოიწონოს რუსეთის ფედერაციასთან „მუდმივი ნორმალური სავაჭრო ურთიერთობების“ დამყარება. როგორც ცნობილია, რუსეთის მიმართ ჯერჯერობით არ გაუქმებულა ჯექსონ-ვენიკის შესწორება, რომელიც მსოფლიო სავაჭრო ორგანიზაციის წესებს ეწინააღმდეგება. ბეინერის განცხადებაზე კომენტარის გაკეთებისას, აშშ-ის სახელმწიფო დეპარტამენტის წარმომადგენელმა ვიქტორია ნულანდმა ხაზი გაუსვა, რომ ამჟამინდელი ადმინისტრაცია ყოველთვის უჭერდა მხარს საქართველოს ტერიტორიულ მთლიანობას. „ჩვენი პოზიცია საქართველოს მიმართ ცნობილია. ჩვენ მის სუვერენიტეტს, ტერიტორიულ მთლიანობას ვცნობთ. ჩვენ რუსეთთან ამის თაობაზე აბსოლუტურად მკაფიონი ვიყავით. ეს ის ნაწილია, სადაც ჩვენ სხვადასხვაობები გვაქვს. როგორც ჩვენ ყოველთვის ვამბობდით „გადატვირთვის“ პოლიტიკის თაობაზე, ჩვენ ვითანამშრომლებთ და ვიმუშავებთ ერთად, სადაც შევძლებთ, მაგრამ ასევე ვამბობთ იმასაც, რომ არსებობს სხვადასხვაობები“. Source - GHN
Share to:https://www.aspurcela.ge/asp-News_-_file_-_article_-_sid_-_3749.html
| |||
| Posted by Drakula | 26 Oct 2011, 19:59 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 1.44 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.