Translation tool beta version. Translation quality may be not a good
| პოლიტიკა: არკადი დვორკოვიჩი: საქართველო რუსეთს მსო-სთან დაკავშირებით არარეალურ მოთხოვნებს უყენებს |  | World News | |
 რუსეთის მსო-ში შესვლასთან დაკავშირებულ მოლაპარაკებებზე საქართველო მიუღებელ მოთხოვნებს აყენებს, რომლებზედაც რუსეთს ფედერაცია არასდროს წავა, განაცხადა პრეზიდენტის დამხმარემ არკადი დვორკოვიჩმა, იუწყება “GHN“. „ჩვენ საქართველოსთან მოლაპარაკებები არ დაგვისრულებია. ამასთან, ჩვენი მეზობლების მიერ წაყენებული მოთხოვნები მსო-ს მოთხოვნებს არ ეხება, არამედ სულ სხვა რაღაცას ეხება, იმას, რაზეც ჩვენ ვერასდროს წავალთ“, - თქვა დვორკოვიჩმა ფორუმზე „ფინური ბიზნესი მოსკოვში“, გადმოსცემს „ბი-ბი-სი“.დვორკოვიჩის თქმით, საქართველო მოითხოვს „რაღაც განუსაზღვრელობების აღიარებას ორი ქვეყნის სტატუსის თაობაზე, რომლებიც ჩვენ ვაღიარეთ“ - ანუ, იგულისხმება აფხაზეთი და სამხრეთ ოსეთი. ამის გამო, როგორც პრეზიდენტის დამხმარე ამბობს, რუსეთის მსო-ში შესვლის საკითხი ღია რჩება. „თუ ჩვენ მსო-ში არ შევალთ, ყველასათვის იქნება უფრო ცუდი: ჩვენთვისაც და ჩვენი პარტნიორებისთვისაც. ბარიერები მაღალი დარჩება და, სავსებით შესაძლებელია, რომ კრიზისის გავლენის ქვეშ ისინი მხოლოდ გაიზრდება“, - ივარაუდა დვორკოვიჩმა. ამასთან, მან იმედი გამოთქვა, რომ საქართველოსთან მოლაპარაკებები წარმატებული აღმოჩნდება. თბილისი რუსეთის მსო-ში შესვლის თანხმობას არ იძლევა, ცდილობს რა მიაღწიოს საბაჟო პუნქტების განთავსებას რუსეთთან საერთაშორისოდ აღიარებულ საზღვრებზე, ამასთან თანახმაა იმაზე, რომ იქ არა ქართველი, არამედ საერთაშორისო კონტროლიორები მუშაობდნენ. მოსკოვი აცხადებს, რომ ეს საკითხი პოლიტიკურია და მსო-ს ფარგლებში არ უნდა განიხილებოდეს. გასულ კვირაში ორი გავლენიანი ამერიკელი სენატორი საქართველოს პოზიციის მხარდასაჭერად გამოვიდა და მოითხოვა ობამას ადმინისტრაციისაგან, არ იმსხვერპლოს საქართველოს უსაფრთხოებისა და ტერიტორიული მთლიანობის ინტერესები ვაშინგტონის მიერ მოსკოვისთვის მსო-ში გაწევრიანების დახმარების გაწევის სასარგებლოდ. Source - GHN
Share to:https://www.aspurcela.ge/asp-News_-_file_-_article_-_sid_-_3743.html
| |||
| Posted by Drakula | 25 Oct 2011, 19:23 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.