Translation tool beta version. Translation quality may be not a good
| ეს საინტერესოა: ლენონის კარიესით დაზიანებულ კბილს აუქციონზე გაიტანენ |  | World News | |
 „ბითლზისა“ და ჯონ ლენონის სოლო-შემოქმედების თაყვანისმცემლებმა მიიღეს უნიკალური შანსი, გახდნენ თავიანთი კუმირის პატარა ნაწილის მფლობელები. როგორც ამერიკულმა ტელეარხ „სი-ენ-ენმა“ განაცხადა, 5 ნოემბერს ინგლისში აუქციონზე გაიყიდება კბილი, რომელიც ცნობილი „ლივერპულური ოთხეულის“ მონაწილეს ეკუთვნოდა.კარიესით დაზიანებული გაყვითლებული უკანა კბილი დანტისტმა 60-იანი წლების ბოლოს ამოიღო. ლენონმა, რომელიც იმ დროს ქალაქ ვეიბრიჯში ცხოვრობდა, კბილი თავის აღმზრდელ ქალს დოროტი „დოტ“ ჯარლეტს აჩუქა, რომელთანაც მას მეგობრული ურთიერთობა ჩამოუყალიბდა. „იმ დროიდან კბილი ჩვენს ოჯახში ინახებოდა“, - განაცხადა დოროტის შვილმა ბარიმ. დოროტი ახლა 90 წლისაა და ჯარლეტების აზრით, მოვიდა დრო, რელიქვია გადაცემულ იქნას სხვისთვის მანამ, სანამ იგი საბოლოოდ დაიკარგება. უჩვეულო ლოტის სასტარტო ფასი 16 ათასი დოლარის ოდენობით არის განსაზღვრული. როგორც აუქციონურ სახლ „ომეგას“ მფლობელმა კარენ ფეირუზერმა განაცხადა, კბილმა უკვე მოიზიდა კოლექციონერთა დიდი რიცხვის ყურადღება. „მრავალი ადამიანი სამახსოვრო ნივთებს ფულის კარგ დაბანდებად მიიჩნევს“, - აღნიშნა მან. ფეირუეზერის თქმით, ღირებული ლოტის შეძენა შეუძლია „უბრალო თაყვანისმცემელსაც, რომელსაც ძალიან-ძალიან უნდა ლენონის ნაწილის მიღება“. ამავდროულად, ოფიციალური დასტური იმისა, რომ კბილი ოდესღაც მართლაც იმყოფებოდა ლენონის ყბაში, არ არსებობს. „დნმ-ის ანალიზისთვის იგი მეტისმეტად მყიფეა“, - განაცხადა ფეირუზერმა და დაამატა, რომ განსაკუთრებული მტკიცებულებები საჭირო არ არის. „ვინაიდან იგი დოტს ეკუთვნოდა, ჩვენ მისი წარმოშობის თვალსაზრისით ეჭვები არა გვაქვს“, - თქვა მან. როგორც ბარი ჯარლეტმა აღიარა, მათ ოჯახში მრავალი ნივთი დაგროვდა, რომლებიც ლენონმა დოროტის აჩუქა. მათ შორისაა საფულე, რომლის დატოვებაც იგი თავისთვის აპირებს, ასევე დედამისის საყვარელი მარგალიტის სამკაული, რომელმაც ლეგენდარულმა მუსიკოსმა იაპონიიდან ჩამოიტანა. ცნობილი ადამიანების თავგამოდებული თაყვანისმცემლები მათ კუმირებთან დაკავშირებული რელიქვიების შეძენაზე ფულს არ იშურებენ. ასე, 2009 წელს ჩიგაკოში 18 ათას დოლარად აუქციონზე როკ-ენ-როლის მეფის ელვის პრესლის თმის კულული გაიყიდა, რომელიც მას შორეულ 1958 წელს მოაჭრეს, როდესაც იგი აშშ-ის ჯარის რიგებში შევიდა. Source - day.az
Share to:https://www.aspurcela.ge/asp-News_-_file_-_article_-_sid_-_3727.html
| |||
| Posted by Drakula | 24 Oct 2011, 21:13 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 3.10 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.