Translation tool beta version. Translation quality may be not a good
| მეცნიერება-ტექნოლოგიები: სოციალური ქსელების გამოყენება შეიძლება ტვინის განვითარებაზე აისახოს |  | World News | |
 როგორც მეცნიერებს მიაჩნიათ, ვირტუალური სოციალური ქსელების გამოყენებას, ალბათ, ტვინში ცვლილებების გამოწვევა შეუძლია. მეცნიერები ასეთ დასკვნამდე მივიდნენ მას შემდეგ, რაც სოციალურ ქსელ Facebook-ის მომხმარებელთა თავისებურებები გააანალიზეს. როგორც BBC გადმოსცემს, გამოკვლევაში მონაწილეობა მიიღო 125 მოხალისემ, რომლებიც სოციალური ქსელებით აქტიურად სარგებლობენ. მეცნიერებმა თითოეული მათგანის ტვინის სკანირება ჩაატარეს და გასაოცარი ფაქტი დაადგინეს - ადამიანებს, რომლებსაც ტვინის ზოგიერთი ნაწილი უფრო დიდი ჰქონდათ, სოციალურ ქსელშიც „მეგობრების“ უფრო მეტი რაოდენობა ჰყავდათ.ამასთან, მეცნიერები ითვლიდნენ როგორც ვირტუალურ, ისე რეალურ მეგობრებს. შემდგომში მათ თავიანთი დასკვნები 40 მოხალისეზე გადაამოწმეს. გაკეთებულმა აღმოჩენამ მკვლევარები გააოცა. „ჩვენ ტვინის რამდენიმე საინტერესო ნაწილი აღმოვაჩინეთ, რომლებიც თითქოს დაკავშირებულია ჩვენი როგორც რეალური, ისე ვირტუალური მეგობრების რაოდენობასთან“, - მოყვა დოქტორმა რიოტა კანაიმ ლონდონის საუნივერსიტეტო კოლეჯიდან. ამავე დროს, ამ აღმოჩენაში ბევრი რამ კვლავ გაუგებარია. კერძოდ, მკვლევარებმა ვერაფრით შეძლეს დადგენა იმისა, იზრდება თუ არა ტვინის ცალკეული ნაწილები სოციალური ქსელების ზემოქმედების შედეგად თუ უბრალოდ ადამიანებს ტვინის გარკვეული სტრუქტურით უფრო მეტად აქვთ მიდრეკილება მეგობრობისკენ. მიუხედავად ამისა, მეცნიერები იმედოვნებენ, რომ ახალი გამოკვლევები აჩვენებს, მართლა შეუძლია თუ არა ადამიანის ტვინს შეცვლა ახალ სოციალურ მოვლენებთან ადაპტირების დროს. ზოგიერთი სპეციალისტი ასევე აღნიშნავს, რომ ვირტუალური მეგობრების რაოდენობას რეალურ ცხოვრებასთან ცოტა რამ აქვს საერთო, რადგან, მეტწილად, იმაზეა დამოკიდებული, რამდენი წლისაა ადამიანი და რამდენ დროს ატარებს ინტერნეტში. Source - day.az
Share to:https://www.aspurcela.ge/asp-News_-_file_-_article_-_sid_-_3700.html
| |||
| Posted by Drakula | 20 Oct 2011, 18:50 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.