Translation tool beta version. Translation quality may be not a good
| ეკონომიკა: დსთ-ს თავისუფალი ვაჭრობის ზონად გამოაცხადებენ |  | World News | |
 დამოუკიდებელ სახელმწიფოთა თანამეგობრობის მთავრობების უფროსთა საბჭოს სხდომის შედეგებით სამშაბათს, 18 ოქტომბერს, ხელი მოეწერა ხელშეკრულებას დსთ-ს თავისუფალი ვაჭრობის ზონის შესახებ. ხელშეკრულება ითვალისწინებს ქვეყნებს შორის სავაჭრო-ეკონომიკური ურთიერთობების სამართლებრივი საფუძვლების გამარტივებას და მთელი რიგი მრავალმხრიივი და დაახლოებით 100 ორმხრივი დოკუმენტის შეცვლას, რომლებიც დღეისათვის დსთ-ს სივრცეში თავისუფალი ვაჭრობის რეჟიმს რეგლამენტირებს. დოკუმენტმა მიიღო სახელწოდება „სანქტ-პეტერბურგის ხელშეკრულება“, წერს „Ведомости“.ხელშეკრულება სრულყოფილი არ არის - მასში არის ნაკლი, მაგრამ ასევე არის კონკრეტული დროებითი ნორმებიც, რომელთა განმავლობაშიც ყველა ნაკლი ლიკვიდირებული იქნება, კომენტარი გაუკეთა დოკუმენტის ხელმოწერას უკრაინის პრემიერ-მინისტრმა ნიკოლაი აზაროვმა. იგივე დაადასტურა რუსეთის პრემიერ-მინისტრმა ვლადიმირ პუტინმაც: „ჩვენ საქონლის მთელი ჯგუფების მიხედვით გავაუქმებთ ერთმანეთს შორის საექსპორტო და საიმპორტო ბაჟებს. არის გარკვეული ნაკლი, ჩვენ მათ ვეთანხმებით, მაგრამ ისინიც თანდათანობით წარსულს ჩაბარდება“. მან დააზუსტა, რომ ხელშეკრულებას დსთ-ს ყველა ქვეყანამ მოაწერა ხელი, გარდა აზერბაიჯანისა, უზბეკეთისა და თურქმენეთისა, რომლებიც, მისი თქმით, მასთან მიმდინარე წლის ბოლომდე შემოერთების შესაძლებლობას შეისწავლიან. მანამდე სამშაბათს პუტინმა თქვა, რომ დსთ-ს ქვეყნების მთავრობების უფროსთა საბჭომ მოულოდნელად შეათანხმა ხელშეკრულება, რომელზედაც მუშაობა, მისი თქმით, თითქმის 10 წელი მიმდინარეობდა. Source - bizzone
Share to:https://www.aspurcela.ge/asp-News_-_file_-_article_-_sid_-_3689.html
| |||
| Posted by Drakula | 19 Oct 2011, 18:22 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 1.66 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.