Translation tool beta version. Translation quality may be not a good
| პოლიტიკა: ვაცლავ ჰაველი: საქართველოს ჩემ გულსა და მეხსიერებაში განსაკუთრებული ადგილი უკავია |  | Georgian News | |
 საქართველოს პრეზიდენტმა მიხეილ სააკაშვილმა ჩეხეთის პირველი პრეზიდენტი ვაცლავ ჰაველი წმინდა გიორგის ორდენით დააჯილდოვა. როგორც ქართული სახელმწიფოს მეთაურის ადმინისტრაცია იტყობინება, პრეზიდენტმა სააკაშვილმა, რომელიც იმყოფება პრაღაში, სადაც ვაცლავ გაველის მიერ დაფუძნებული კონფერენცია ტარდება, განაცხადა, რომ ამ ორდენის გადაცემა სიმბოლურ დატვირთვას ატარებს და ტოტალიტარიზმი ვერასოდეს გაიმარჯვებს დემოკრატიაზე.ჰაველმა, თავის მხრივ, სააკაშვილს მადლობა გადაუხადა და იმედი გამოთქვა, რომ უახლოეს მომავალში საქართველო ქვეყნის დეოკუპაციის განხორციელებასა და ევროპასთან გაერთიანებას შეძლებს. „თითოეული ჩვენგანისთვის, ვინც თავისუფლებას აფასებს, მუდმივად მოძრაობს სიახლეებისკენ, რაღაც განსაკუთრებულისკენ, საბჭოთა კავშირის დაშლა ისტორიის დასასრული არ გამხდარა. პირიქით, ეს ჩვენთვის ისტორიის დასაწყისი იყო. ბატონო ვაცლავ, ის, რომ ჩვენ გაყინული მუზეუმიდან გაქცევა შევძელით, თქვენი და თქვენის მსგავსი ხალხის დამსახურებაა. ჩვენ ვცხოვრობდით, ვარსებობდით და გადარჩენაზე ვფიქრობდით. გადარჩენაზე, ვინაიდან ჩვენი ბედი ჩვენ არ გვეკუთვნოდა. ორი გზა იყო - სლობოდან მილოშევიჩის გზა და ვაცლავ გაველის გზა. ფერადი რევოლუციები თქვენი ხავერდოვანი რევოლუციის გაგრძელება იყო“, - თქვა სააკაშვილმა. ჰაველმა, თავის მხრივ, სააკაშვილს მადლობა გადაუხადა და აღნიშნა, რომ საქართველო ყოველთვის დარჩება მის მეხსიერებაში. „მადლობას გიხდით გაწეული პატივისთვის, რომელიც დღეს მომანიჭეთ. ეს ჩემთვის ძალიან სასიამოვნოა, თუმცა მსგავს სიტუაციებში ყოველთვის ვეკითხები საკუთარ თავს - დავიმსახურე თუ არა ეს ჯილდო. ბოლო ჯერ საქართველოში 44 წლის წინ ვიყავი. მრავალ ქვეყანაში ვარ ნამყოფი, მაგრამ საქართველოს არასდროს დავივიწყებ. იგი ჩემ გულსა და მეხსიერებაში განსაკუთრებულ ადგილს დაიკავებს. მინდა გამოვთქვა იმედი, რომ საქართველოს ტერიტორიული მთლიანობა უახლოეს მომავალში აღდგება მის ისტორიულ საზღვრებში და ეს ყოველგვარი სისხლისღვრის გარეშე მოხდება. ვიმედოვნებ, რომ საქართველო მალე ევროპული ინსტიტუტებისა და, უწინარეს ყოვლისა, ევროკავშირის წევრი გახდება“, - თქვა ჰაველმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3625.html
| |||
| Posted by Drakula | 11 Oct 2011, 19:14 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.