Translation tool beta version. Translation quality may be not a good
| საზოგადოება: ევროპას სამედიცინო პერსონალის მიგრაცია ემუქრება |  | World News | |
 2020 წლისთვის ევროპა მედიცინის დარგში ორ მილიონამდე კვალიფიციური სპეციალისტის, მათ შორის 230 ათასი ექიმისა და მომსახურე პერსონალის 600 ათასი თანამშრომლის უკმარისობას შეიგრძნობს, თუ დროულად არ მიიღებენ პრევენციულ ზომებს. ასეთი პროგნოზი გამოთქვეს ჯანდაცვის დარგში პრობლემების დასრულებული ყოველწლიური ევროპული ფორუმის მონაწილეებმა.ევროპის კომისიის ექსპერტთა აზრით, განსაკუთრებით რთულ ვითარებაში შესაძლოა აღმოჩნდეს ნაკლებად შეძლებული ქვეყნები, ვინაიდან უფრო მდიდარი სახელმწიფოები მათგან კვალიფიციურ კადრებს „გამოწოვენ“. როგორც ამასთან დაკავშირებით ჯანდაცვის დარგში მსოფლიო ბანკის პოლიტიკის სტრატეგიული საკითხების მრჩეველმა არმინ ფიდლერმა თქვა, ამჟამად დიდ ბრიტანეთში ჯანდაცვის სისტემაში უცხოეთიდან მიგრირებული ექიმების 47 პროცენტი მუშაობს, მაშინ, როცა, მაგალითად, პოლონეთში ასეთი ექიმების წილი მხოლოდ 3 პროცენტს შეადგენს. მისი თქმით, რუმინეთი ყოველწლიურად თავისი მედიკოსების 10 პროცენტზე მეტს კარგავს, რომლებიც სამუშაოდ დასავლეთ ევროპის ქვეყნებში მიემგზავრებიან. „მაგალითისათვის, საერთო პროფილის ნებისმიერ რუმინელ სამედიცინო მომუშავეს საფრანგეთში 10-ჯერ მეტის გამომუშავება შეუძლია, ვიდრე სამშობლოში, - გააგრძელა ფიდლერმა, - და ამ თვალსაზრისით მიგრაციული ნაკადების მიმართულების წინასწარ განსაზღვრა სავსებით შესაძლებელია“. ამას გარდა, როგორც მან დაამატა, მიგრაციის მიზეზი არა მხოლოდ ფულია, არამედ შრომის პირობები, პროფესიული ზრდის პერსპექტივები, მრავალი საყოფაცხოვრებო პრობლემის არარსებობა. „არ შეიძლება ადამიანებისათვის ცხოვრების უკეთესი პირობების ძებნაში დაბრკოლებების შექმნა, - მიაჩნია ფიდლერს. - ამასთან, სამედიცინო პერსონალის მიგრაციას ზოგჯერ გარკვეული უპირატესობებიც აქვს. ასე, ასობით ათასი ფილიპინელი დღესდღეობით ავადმყოფებს მთელი მსოფლიოს გარშემო უვლის და ფულს სამშობლოში ოჯახებს უგზავნის. ამით ისინი არა მხოლოდ ნათესავებსა და ახლობლებს ეხმარებიან, არამედ სერიოზული ეკონომიკური ფაქტორის როლში გამოდიან, ვინაიდან საკუთარ ქვეყანას უცხოეთიდან მთლიანი შიდა პროდუქტის ზრდაში უწყობენ ხელს“. Source - day.az
Share to:https://www.aspurcela.ge/asp-News_-_file_-_article_-_sid_-_3619.html
| |||
| Posted by Drakula | 10 Oct 2011, 18:53 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.