Translation tool beta version. Translation quality may be not a good
| საზოგადოება: საქართველოს მოქალაქეთა პრიორიტეტებს შორის ტერიტორიულმა მთლიანობამ მესამე ადგილზე გადაინაცვლა |  | Georgian News | |
 საქართველოს მოსახლეობისათვის ყველაზე პრიორიტეტული პრობლემები ეკონომიკური საკითხებია. ეს დადასტურდა NDI-ის გამოკვლევით, რომელიც მიმდინარე წლის სექტემბერში ჩატარდა. მის ფარგლებში საქართველოს 2 425 მოქალაქე გამოკითხეს. გამოკვლევის შედეგები ჟურნალისტებს დღეს, 10 ოქტომბერს, NDI-ის ქართული ოფისის დირექტორმა ლუის ნავარომ გააცნო. მისი თქმით, საქართველოს მოსახლეობისათვის სამი მთავარი პრიორიტეტი ასე გადანაწილდა: სამუშაო ადგილები, ფასების ზრდა და საქართველოს ტერიტორიული მთლიანობა.რესპონდენტებს ასევე მიაჩნიათ, რომ პოლიტიკოსები არასაკმარისად საუბრობენ პირველ ორ საკითხზე. კერძოდ, გამოკითხულთა 62%-მა პრიორიტეტულად სამუშაო ადგილების შექმნა დაასახელა, 42%-მა - ფასების შემცირების აუცილებლობა, 31%-მა - საქართველოს ტერიტორიული მთლიანობა, 31%-მა - სიღარიბის დაძლევა. ამასთან ერთად, გამოკითხულთა 44% აცხადებს, რომ პოლიტიკოსები არასაკმარისად საუბრობენ სამუშაო ადგილების შექმნის შესახებ; 62%-ს მიაჩნია, რომ არასაკმარისი ყურადღება ეთმობა ქვეყანაში ზრდადი ფასების საკითხს, 54%-ს მიაჩნია, რომ ყურადღება არ ეთმობა სიღარიბის თემას. შეკითხვაზე, „არის თუ არა საქართველოში დემოკრატია?“, გამოკითხულთა 45%-მა დადებითად უპასუხა, 39%-მა - უარყოფითად. შედარებისათვის, ამავე შეკითხვაზე NDI-ის მიერ მარტში ჩატარებული გამოკვლევის მსვლელობაში უარყოფითად უპასუხა 44%-მა, დადებითად კი - 39%-მა. ამასთან ერთად, ლუის ნავარომ აღნიშნა, რომ ქვეყნის დემოკრატიული განვითარების მიმართ შედარებით უფრო დადებითი განწყობის მიუხედავად, მოსახლეობა ხელისუფლებებისაგან მეტ ანგარიშვალდებულებას მოითხოვს. Source - Грузия Online
Share to:https://www.aspurcela.ge/asp-News_-_file_-_article_-_sid_-_3616.html
| |||
| Posted by Drakula | 10 Oct 2011, 18:51 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.