Translation tool beta version. Translation quality may be not a good
| პოლიტიკა: არეშიძე: კრემლში ე. წ. სამხრეთ ოსეთთან დაკავშირებით რაღაც ხდება |  | Georgian News | |
 ექსპერტი კავკასიის საკითხებში მამუკა არეშიძე მარიონეტული რეჟიმის მიერ ქართულ-რუსული საზღვრის დაკეტვის ქმედებას აფასებს როგორც კომიკურს. როგორც არეშიძემ სააგენტო „პირველს“ განუცხადა, ეს გადაწყვეტილება კოკოითის ხელისუფლების ოპოზიციის წინააღმდეგ არის მიმართული.„კოკოითის ხელისუფლება გრძნობს, რომ სერიოზული საფრთხის ქვეშ იმყოფება. მას ესმის, რომ ძამბოლატ თედეევის ფიგურა საკმაოდ სერიოზულია რუსი მებრძოლეების გარემოში. გუშინ ცხინვალში ასევე არ გაუშვეს „ერთიანი რუსეთის“ დაღესტნის ფილიალის ჰუმანიტარული ტვირთი. აუცილებელია აღინიშნოს, რომ აღნიშნული ფილიალი ძირითადად მებრძოლეებით არის დაკომპლექტებული. ცხინვალში მგზავრობასთან დაკავშირებით პრობლემები ჩრდილოეთ ოსეთის სახელმწიფო დუმის დეპუტატ არსენ ფაძაევსაც წარმოეშვა და იგი ასევე მებრძოლია. შესაბამისად, ეს აკრძალვა ორიენტირებულია იმ ადამიანებზე, როგორებიცაა ბარანკევიჩი, ჯუსოები, კელექსაევი, ანუ ოპოზიციისა და იმ მებრძოლთა წარმომადგენლებზე, რომლებიც ცხინვალში ოპოზიციის მხარდასაჭერად გამგზავრებას აპირებდნენ. რუსეთთან საზღვრის დაკეტვა განსაკუთრებით სასაცილოდ გამოიყურება დე-ფაქტო ხელისუფლებების განცხადებების ფონზე დანარჩენ საქართველოსთან მიმოსვლის გამარტივების თაობაზე“, - განაცხადა არეშიძემ. რაც შეეხება იმას, თუ როგორ აღიქვამს ამ გადაწყვეტილებას კრემლი ან რამდენად შეიძლება იყოს იგი შეთანხმებული მოსკოვთან, არეშიძე აღნიშნავს, რომ „კრემლის პოზიცია ჯერ დახურული არ არის“. „ჩვენ არა გვაქვს ზუსტი ინფორმაცია, მხარს უჭერს თუ არა რომელიმე კრემლის ფრთა თედეევს. პირადად არ მგონია, რომ იგი ასე აქტიურია მოსკოვის მხარდაჭერის გარეშე, მაგრამ, მეორე მხრივ, კოკოითიც არაა „სახურავის“ გარეშე. როგორც ჩანს, ე. წ. სამხრეთ ოსეთის გარშემო კრემლში რაღაც ხდება, რაც ჩვენთვის ცნობილი არ არის. შესაბამისად, ოფიციალური მოსკოვის პოზიცია დახურული იქნება მანამ, სადაც ამ შიდა ბრძოლაში (თუ ასეთს მართლაც აქვს ადგილი) ვინმე არ გაიმარჯვებს“, - განაცხადა არეშიძემ. Source - Грузия Online
Share to:https://www.aspurcela.ge/asp-News_-_file_-_article_-_sid_-_3559.html
| |||
| Posted by Drakula | 04 Oct 2011, 20:54 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.22 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.