Translation tool beta version. Translation quality may be not a good
| ეკონომიკა: ირაკლი ლექვინაძე: სტრატეგიული ობიექტების აქციათა გაყიდვა მათ გამჭვირვალობას გაზრდის |  | Business & Economics | |
 საქართველოს მთავრობა გეგმავს ლონდონის, ვარშავისა და ნიუ-იორკის საფონდო ბირჟებზე რკინიგზისა და მაგისტრალური გაზსადენის აქციები განათავსოს, ხელისუფლებები ამ კომპანიებში თავიანთ წილს 51%-მდე ამცირებენ. ამ დროს, პოლიტიკურ რისკებზე საუბრისას ოპონენტები გადაკვრით მიუთითებენ რუსულ, აზერბაიჯანულ და სომხურ კომპანიებზე.ეკონომიკის ექსპერტი ირაკლი ლექვინაძე აქციების გაყიდვაში პოლიტიკურ საშიშროებას ვერ ხედავს, რადგან კომპანიების საკონტროლო პაკეტები კვლავინდებურად სახელმწიფოს ხელშია და ყველა გენერალური გადაწყვეტილებას საქართველოს მთავრობა მიიღებს, ინვესტორები კი მხოლოდ დივიდენდებს მიიღებენ. „მთავარია, რომ სახელმწიფომ ეს ობიექტი სრულად არ განახორციელოს და ამის შესახებ კანონშიც მკაფიოდ უნდა იყოს გაწერილი“, - აცხადებს ირაკლი ლექვინაძე. მისი თქმით, ასევე პრაქტიკულად შეუძლებელია, რომ გასაყიდი აქციების პაკეტი მხოლოდ ერთი კომპანიის ხელში აღმოჩნდეს, ვინაიდან ასეთი განთავსების დროს ფასიანი ქაღალდების მყიდველები ინვესტორთა რამდენიმე ჯგუფი ხდება. „ამ პროცესის შედეგად ქართული კომპანიები ვალდებულნი იქნება, განსაზღვრული პერიოდულობით გამოაქვეყნონ ფინანსური ანგარიშები და ეს გაზრდის მათ გამჭვირვალობას, ასევე წილის გაყიდვა ამ კომპანიებს მოდერნიზაციისა და ინფრასტრუქტურის გაუმჯობესების შესაძლებლობას მისცემს. პირველადი წარმატებული განთავსება კარგი სიგნალი იქნება ინვესტორებისათვის. კრიზისის ფონზე მსოფლიო ბაზრებზე წარმატებული განთავსებისთვის მნიშვნელოვანია მოხერხებული დროის არჩევა, არსებული კრიზისები შესაძლოა კარგიც კი იყოს ბირჟებზე ჩვენი ტიპის ქვეყნების კომპანიების განთავსებისთვის, რადგანაც ასეთ ქვეყნებში კრიზისის გავლენა პატარაა“, - აცხადებს ლექვინაძე. Source - bizzone
Share to:https://www.aspurcela.ge/asp-News_-_file_-_article_-_sid_-_3551.html
| |||
| Posted by Drakula | 04 Oct 2011, 20:46 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.28 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.