Translation tool beta version. Translation quality may be not a good
| ეკონომიკა: მელიქიშვილი: რუსეთმა ჩვენი ეკონომიკა გააზარმაცა |  | Business & Economics | |
 ახალგაზრდა ფინანსისტთა და ბიზნესმენთა (AFBA) ასოციაციის პრეზიდენტის მერაბ ჯანიშვილის აზრით, რუსული ბაზარი სივრცეა, რომელიც ქართულ ბიზნესს სხვა ბაზრებთან ერთად სჭირდება. „თუ ამერიკა, ევროკავშირი და სხვა ქვეყნები განვითარებული ეკონომიკით ცდილობენ, რომ თავიანთი პროდუქცია რუსულ ბაზარზე გაიტანონ, ჩვენი მხრიდან ძალზედ არაჭკვიანური იქნებოდა ამაზე უარის თქმა“, - ამბობს ჯანიაშვილი. მაგალითის სახით მას მოჰყავს ღვინის ექსპორტი, რომელიც ამდენი წლის გასვლის შემდეგ ვერაფრით იბრუნებს პოზიციას, რომელსაც ემბარგომდე იკავებდა.მისი თქმით, ქართული პროდუქციის მიზნობრივი ბაზრები კვლავინდებურად დსთ-ის ბაზრებია და მათგან ყველაზე დიდზე - რუსულ ბაზარზე უარის თქმა უაზროა. „გვინდა თუ არა, საქართველოს დსთ-ის ქვეყნებთან თანაარსებობის თითქმის საუკუნოვანი ისტორია აკავშირებს. შესაბამისად, ამ სახელმწიფოებში ქართულ პროდუქციას გარკვეული ნიშა უკავია, რაც ქართული ბიზნესს ბევრად უმარტივებს ოპერირებას. ჩვენს ჩრდილოეთ მეზობელთან, ნაკლები მარკეტინგული ხარჯების ფონზე, შეიძლება ბევრად უფრო დიდი ეფექტის მიღწევა, ვიდრე სხვა სახელმწიფოში, რომელიც ქართულ პროდუქციას არ იცნობს“, - ამბობს AFBA-ს პრეზიდენტი. ამავდროულად, პარლამენტის ფინანსურ-საბიუჯეტო კომიტეტის თავმჯდომარის ზურაბ მელიქიშვილის აზრით, რუსული ბაზარი საკმაოდ საშიშია ქართული კომპანიებისთვის და ქვეყნის ეკონომიკისთვის დიდი ზარალის მოტანა შეუძლია. „რამდენადაც ქართულ ბიზნესს რუსულ ბაზართან ურთიერთობების გამოცდილება აქვს, ხშირად მას დასტირიან. საქმა ისაა, რომ მრავალი წლის განმავლობაში რუსეთი ინტენსიურად ცდილობდა ჩვენი ეკონომიკის გაზარმაცებას და შეძლო კიდეც ეს. ქართული პროდუქციისთვის რუსეთი 70 წლის განმავლობაში ერთ-ერთი მთავარი ბაზარი იყო. რუსეთმა ეს სივრცე ქართველი მწარმოებლების წინააღმდეგ, საქართველოს მოსახლეობის წინააღმდეგ გამოიყენა. ხელისუფლებაში მოსვლის დღიდან ჩვენი მთავარი ამოცანა იყო ჩვენი ბიზნესმენებისთვის, მეწარმეებისთვის, ქართული პროდუქციისთვის ხელის შეწყობა, რათა მათ მეტი ახალი ბაზარი აეთვისებინათ. ამ მიმართულებით წარმატებას მივაღწიეთ. მრავალი საწარმო ტექნოლოგიურად განმტკიცდა და ახალ ბაზრებზე გავიდა“, - აცხადებს მელიქიშვილი. Source - bizzone
Share to:https://www.aspurcela.ge/asp-News_-_file_-_article_-_sid_-_3550.html
| |||
| Posted by Drakula | 04 Oct 2011, 20:46 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.