Translation tool beta version. Translation quality may be not a good
| ეკონომიკა: ექსპერტი: ახალი მსოფლიო კრიზისი საქართველოს დიდ ზიანს არ მიაყენებს |  | Business & Economics | |
 AFBA-ის ექსპერტს მერაბ ჯანიაშვილს მიაჩნია, რომ ახალ მსოფლიო ეკონომიკურ კრიზისს საქართველოზე სერიოზული ზეგავლენის მოხდენა არ შეუძლია. ამგვარად მან კომენტარი გაუკეთა ევროპის ცენტრალური ბანკის ხელმძღვანელის ჟან-კლოდ ტრიშეს განცხადებას, რომლის თანახმადაც მსოფლიოს ახალი კრიზისი ემუქრება. ჯანიაშვილს მიაჩნია, რომ წინა კრიზისის მსგავსად მომავალი კრიზისი საქართველოს დიდ ზიანს არ მიაყენებს, რამდენადაც მისი ბაზარი მსოფლიო ეკონომიკასთან მჭიდროდ დაკავშირებული არ არის.„საქართველოს წინა კრიზისმა დიდი ზიანი არ მიუყენა და ნაკლებსავარაუდოა, რომ მომავალმა მიაყენოს. იმისათვის, რომ კრიზისი ზიანის მომტანი იყოს, შენ მჭიდროდ უნდა იყო ინტეგრირებული სხვა ქვეყნების ეკონომიკაში და მათთან მრავალფეროანი ურთიერთობები უნდა გქონდეს. ჩვენ არა გვაქვს ფინანსური ბაზარი, მაშ რა მოახდენს ჩვენზე ზემოქმედებას? ერთადერთი, რაც მსოფლიო ეკონომიკასთან გვაკავშირებს, ისაა, რომ ჩვენ უცხოური ქვეყნებიდან იმპორტს ვახორციელებთ. კრიზისის დროს პროდუქცია იაფდება, ვინაიდან მასზე მოთხოვნა მცირდება. შესაბამისად, გარკვეულ წილად ამას დადებითი გავლენის მოხდენა შეუძლია, რადგან იმპორტი ბევრად უფრო იაფი გახდება“, - აღნიშნა მერაბ ჯანიაშვილმა. მისი თქმით, გაჩნდება ექსპორტთან დაკავშირებული გარკვეული პრობლემები, მაგრამ მისი მოცულობა იმდენად დაბალია, რომ მსოფლიო ეკონომიკური კრიზისი ამ თვალსაზრისით ასევე ვერ შეძლებს საქართველოზე სერიოზული ზეგავლენის მოხდენას. აქვე ექსპერტი აღნიშნავს, რომ ყურადღების ქვეშ თუ არ ავიღებთ მსოფლიო კრიზისს, საქართველო, შიდა პრობლემებიდან გამომდინარე, „ისედაც მუდმივი კრიზისების მდგომარეობაში იმყოფება“. რაც შეეხება ახალ კრიზისს, მერაბ ჯანიაშვილის თქმით, პორტუგალიაში, ირლანდიასა და საბერძნეთში შექმნილი სიტუაციიდან გამომდინარე მისი დადგომა საკმაოდ რეალური და სავარაუდოა. Source - bizzone
Share to:https://www.aspurcela.ge/asp-News_-_file_-_article_-_sid_-_3495.html
| |||
| Posted by Drakula | 26 Sep 2011, 19:16 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.