Translation tool beta version. Translation quality may be not a good
| ეს საინტერესოა: ფრანგმა ლატარიაში რეკორდული ჯეკპოტი მოხსნა |  | World News | |
 საფრანგეთში ლატარიაში მოგებული თანხის ახალი რეკორდი დამყარდა. როგორც France Info იტყობინება, 162 მილიონ 256 ათას 622 ევროს მფლობელი გახდა ქვემო ნორმანდიაში მდებარე კალვადოსის დეპარტამენტის მაცხოვრებელი. ჯერჯერობით გამარჯვებულს ლატარია EuroMillions-სა, რომელშიც ლატარიის ბილეთების 40 მილიონმა მყიდველმა მიიღო მონაწილეობა, მოგებულ თანხაზე უფლებების შესახებ არ განუცხადებია.ფრანგს წარმატება მოუტანა რიცხვების 9, 28, 30, 32, 49 შეთავსებამ, ასევე ე. წ. ორმა ბედნიერმა ნომერმა - 9 და 10, აღნიშნავს Metro. იმისათვის, რომ ჯეკპოტის მფლობელი გამხდარიყო, ახალგამომცხვარ მილიონერს ჰქონდა ერთი შანსი დაახლოებით 116 მილიონიდან. ახლა ფრანგს 60 დღე აქვს, რათა მოგებული თანხა წაიღოს. 162 მილიონი ევროს მისაღებად ნორმანდიის მაცხოვრებელმა ეროვნული ლატარიის კომპანია Francaise des Jeux-ს უნდა მიმართოს და მოგებული ბილეთი წარადგინოს. ფულის მიღებაზე უფლების დადასტურების შემდეგ მილიონერს მისცემენ მოგებული თანხის ჩეკს, წაიყვანენ პარიზში ლიმუზინით, შემდეგ რესტორანში სადილზე და სასახლეში ღამის გატარების შესაძლებლობას მისცემენ. ყველა ამ გართობის ხარჯს Francaise des Jeux დაფარავს. ჩეკის გარდა ფრანგს მოგებულ თანხაზე გადასცემენ „გამარჯვებულის პასპორტს“, სადაც იგი საკუთარი ფოტოსურათის ჩაკვრასა და პირადი მონაცემების ჩაწერას შეძლებს. „პასპორტში“ ასევე გამოქვეყნებულია რჩევები დამწყები მილიონერისათვის და პატარა ლექსიკონი, რომელიც საშუალებას მისცემს მას, გაერკვეს ზოგიერთ მისთვის ახალ ფინანსურ ტერმინში. EuroMillions-ში მოგებული თანხის წინა რეკორდი საფრანგეთში 2009 წელს დამყარდა, როდესაც ლატარიის ბილეთების 15 მფლობელმა 100 მილიონი ევროს ოდენობის ჯეკპოტი გაიყვეს. EuroMillions-ში მოგებული თანხის ევროპული რეკორდი კი 185 მილიონ ევროს შეადგენს. ეს თანხა 2011 წლის ივლისში წყვილმა შოტლანდიიდან მოიგო. EuroMillions-ს თამაშობენ საფრანგეთში, დიდ ბრიტანეთში, ბელგიაში, პორტუგალიაში, ესპანეთში, ირლანდიაში, ავსტრიაში, ლუქსემბურგსა და შვეიცარიაში. გათამაშებები ყოველკვირეულად ტარდება. Source - day.az
Share to:https://www.aspurcela.ge/asp-News_-_file_-_article_-_sid_-_3464.html
| |||
| Posted by Drakula | 15 Sep 2011, 19:23 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.