Translation tool beta version. Translation quality may be not a good
| ეკონომიკა: ფოთში აეროპორტის მშენებლობა დაიწყო |  | Business & Economics | |
 საქართველოს პრეზიდენტმა მიხეილ სააკაშვილმა გუშინ, 14 სექტემბერს, ქალაქ ფოთში აეროპორტის მშენებლობას საფუძველი ჩაუყარა. „ეს ძალიან მნიშვნელოვანი პროექტია, რომელიც იდეალურად ჯდება რეგიონის განვითარების სტრატეგიაში“, - თქვა მან გუშინ ფოთში აეროპორტის მშენებლობის საძირკვლის ჩადების ცერემონიაზე. მან ხაზი გაუსვა, რომ ფოთის განვითარებისათვის უკვე დაწყებულია ფოთის გადაიარაღება, გაზიფიცირებულია ქალაქი, გაუმჯობესებულია წყალმომარგება და ამით შეიქმნა ინფრასტრუქტურა ბიზნესისა და ვაჭრობის განვითარებისათვის.„ფოთის პორტი საქართველოს მთელ შავი ზღვის სანაპიროს, ასევე მთიან სვანეთს მოემსახურება“, - თქვა მან და აღნიშნა, რომ ამგვარად აეროპორტი ტურისტების მთელი მსოფლიოდან მიიღებს და გადაანაწილებს მათ ანაკლიას, ზუგდიდსა და მესტიას შორის. მან ასევე ეკონომიკისა და ინფრასტრუქტურის სამინისტროებს გურიის რეგიონში კურორტ ბახმაროს განვითარების „სერიოზული გეგმის“ შემუშავება დაავალა. აღნიშნული კურორტი ძალიან პოპულარული იყო საბჭოთა დროს. „ფოთის აეროპორტი მთელ რეგიონს გააერთიანებს. ეს იქნება აეროპორტი, რომელიც ნებისმიერ ამინდში იმუშავებს და რომელზეც ნებისმიერი თვითმფრინავი დაჯდება. ეს მუდმივად მოქმედი აეროპორტი იქნება, რომელიც შემოსავლებს მოგვიტანს და დასაქმების პრობლემის გადაჭრაში დაგვეხმარება“, - თქვა სააკაშვილმა. მან მადლობა გადაუხადა არაბულ კომპანია „რაკიას“, უწოდა რა მას აეროპორტის მშენებლობის კარგი ინვესტორი. „ჩვენ ამ კომპანიასთან ურთიერთობების კარგი დონე გვაქვს. ეს ინვესტორია, რომელიც სამუშაო ადგილებს ქმნის და ჩვენს ათასობით თანამოქალაქეს ეხმარება და ჩვენ ყველაფერს ვაკეთებთ, რათა ისინი კმაყოფილები იყვნენ. ჩვენ მოვუწოდებთ სხვა ინვესტორებსაც საქართველოში ფულის აქტიური დაბანდებისაკენ“, - თქვა პრეზიდენტმა. Source - bizzone
Share to:https://www.aspurcela.ge/asp-News_-_file_-_article_-_sid_-_3455.html
| |||
| Posted by Drakula | 15 Sep 2011, 18:55 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.23 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.