Translation tool beta version. Translation quality may be not a good
| საზოგადოება: პარსონსი: საქართველოში მასმედიის მთავარი პრობლემა საზოგადოების პოლარიზაციაა |  | Georgian News | |
 ქართული მედიის მთავარი პრობლემა საზოგადოების პოლარიზაციაა, რომელიც აისახება მედიაზე, განაცხადა რუსულენოვანი ტელეარხ „პირველი ინფორმაციული კავკასიურის“ (პიკის) გენდირექტორმა რობერტ პარსონსმა ჟურნალ „ტაბულასთან“ მიცემულ პინტერვიუში, რომელიც 12 სეტემბრის ნომერში გამოქვენდა. პარსონსის აზრით, ქართული მედია არის პრო ან ანტისამთავრობო.„ყველა ხედავს, რაც ხდება „რუსთავი-2“-ზე, „მაესტროზე“ და „კავკასიაზე“. ამ არხებზე გადის ისეთი სიუჟეტები ერთი და იმავე თემაზე, რომ რთულია იმის მიხვედრა, რომ კორესპონდენტები ერთი და იმავე თემას აშუქებენ“, - თქვა პარსონსმა და აღნიშნა, რომ მთავარი პრობლემა ქართველი ჟურნალისტებისა, რომელ არხზეც არ უნდა მუშაობდნენ ისინი, არის ის, რომ ისინი არხების სარედაქციო ხაზის ზეგავლენის ქვეშ არიან. „ის, რაც დღეს გაქვთ, სრული აბსურდია, ეს რეალური ინფორმაცია არ არის. ეს უბრალოდ საზოგადოების უწყვეტი გამოკვებაა ამა თუ იმ ტიპის პროპაგანდით“, - დაამატა პარსონსმა. „პიკის“ გენდირექტორს მიაჩნია, რომ ხელისუფლებამ გააკეთა ყველაფერი კანონმდებლობის თვალსაზრისით, მედიის განვითარებისათვის კი მთავარია ის, რომ ხელისუფლება სარედაქციო გადაწყვეტილებებში არ ერეოდეს. პარსონსს მიაჩნია, რომ მოქმედი ქართული ტელეარხები „მედიის დინოზავრებს“ წარმოადგენს. „დარწმუნებული ვარ, რომ ისინი მალე გადაშენდება“, - განაცხადა მან და გამოთქვა იმედი, რომ მათ ადგილს ბევრად უფრო ობიექტური და პასუხისმგებელი მედია დაიკავებს. რობერტ პარსონსი არხ „პიკის“ გენდირექტორის თანამდებობაზე არხის ეთერში გასვლის დღიდან (2011 წლის 25 იანვრიდან) მუშაობს. იგი ასევე არხ პიკის მმართველი კომპანია „ქეი-1“-ის აქციათა 60%-ის მფლობელია. პიკი საზოგადოებრივი მაუწყებლის მესამე ტელეარხია. ამ თანამდებობამდე რობერტ პარსონსი BBC-ის რუსული სამსახურის პროდიუსერი იყო, მუშაობდა არხ „France 24 TV“-ის საერთაშორისო ამბების რედაქტორად, ხელმძღვანელობდა „რადიო თავისუფლების“ ქართულ რედაქციას. ჟურნალ „ტაბულასთვის“ მიცემულ ინტერვიუში პარსონსმა ასევე განაცხადა, რომ მიმდინარე წლის დეკემბერში საქართველოს დატოვებასა და „France 24 TV“-ზე მუშაობის გაგრძელებას აპირებს. Source - Грузия Online
Share to:https://www.aspurcela.ge/asp-News_-_file_-_article_-_sid_-_3431.html
| |||
| Posted by Drakula | 13 Sep 2011, 19:38 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.