Translation tool beta version. Translation quality may be not a good
| პოლიტიკა: სააკაშვილი: საერთაშორისო პოლიტიკის ფოკუსი 2001 წლის 11 სექტემბრის შემდეგ გადაადგილდა |  | Georgian News | |
 საქართველოს პრეზიდენტმა მიხეილ სააკაშვილმა ექსკლუზიური ინტერვიუ მისცა „მულტიმედია დღეს“ და ტელეარხ „უკრაინის“ ჟურნალისტებს 2001 წლის 11 სექტემბრის ტერაქტების მეათე წლისთავთან დაკავშირებით.„თქვენს შეკითხვაზე, თუ სად ვიყავი, გპასუხობთ - მე მაშინ იუსტიციის მინისტრი ვიყავი და ამ ყველაფერს ტელევიზორით ჩემს კაბინეტში ვუყურებდი. მაგრამ მე ნიუ-იორკთან პირადი მოგონებებიც მაკავშირებს, მე ხომ იმ ქალაქის მერიაში ვიქორწინე, რომელიც აღარ არის. სწორედ ის ადგილი, სადაც ცოლთან ხელი მოვაწერეთ, მსოფლიო სავაჭრო ცენტრთან ერთად დაიწვა. მე ხშირად ვსტუმრობდი იმ ცენტრს და, ბუნებრივია, ყველაფერი ეს ჩემთვის შოკისმომგვრელი აღმოჩნდა“, - თქვა საქართველოს პრეზიდენტმა. სააკაშვილმა ხაზი გაუსვა, რომ პოლიტიკური თვალსაზრისით მსოფლიო ამ მოვლენის შემდეგ ძალიან შეიცვალა და, რაღაც მხრივ, არა უკეთესობისკენ. საერთაშორისო პოლიტიკის ფოკუსი გადაადგილდა და აშშ-მ იმ მოდელისაგან განსხვავებულად დაიწყო მოქცევა, რომელიც საბჭოთა კავშირის დაშლითა და ცივი ომის დასასრულით იყო მოცემული. მსოფლიოში ყველაფერი ურთიერთდამოკიდებულია, ამბობს პრეზიდენტი, „ნიუ-იორკის ბირჟაზე მოვლენები მომენტალურად ახდენს ზეგავლენას უკრაინაზეც, სინგაპურზეც, რუსულ ეკონომიკაზე“. ამავე დროს, მისი თქმით, ხანდახან ვიღაც ძალიან სერიოზულად გამოდის მსოფლიო კონტექსტიდან. „ჰელსინკის შეთანხმებების შემდეგ, მას მერე, რაც მე-20 საუკუნეში ყველა საზღვრების დაურღვევლობაზე შეთანხმდა, ყველა საერთაშორისო აქტის შემდეგ - მე კარგად ვიცი ეს, კიევში საერთაშორისო სამართალს ვსწავლობდი - ყველანი დარწმუნებულები ვიყავით, რომ პატარა ქვეყანა ისევეა დაცული, როგორც დიდი. ვერავინ იფიქრებდა, რომ 21-ე საუკუნეში დიდი ქვეყანა პატარას დაესხმებოდა თავს და ძალის გამოყენებით მისი საზღვრების შეცვლას შეეცდებოდა“, - თქვა მიხეილ სააკაშვილმა. „მე მეგონა, რომ ეს დიდი ხანია, რაც წარსულში დარჩა. სამწუხაროდ, აღმოჩნდა, რომ ეს ასე არ არის და რომ ასეთ მცდელობებს ადგილი ექნება. თუმცა, მე ოპტიმისტურად ვარ განწყობილი - სწორედ იმიტომ, რომ ეს კონტექსტიდან ამოვარდნაა. ასეთი მოვლენები ან შეწყდება, ან მსოფლიო უფსკრულისკენ მიემართება“, - თქვა საქართველოს პრეზიდენტმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3410.html
| |||
| Posted by Drakula | 12 Sep 2011, 21:25 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.