Translation tool beta version. Translation quality may be not a good
| ეკონომიკა: საქართველოში ყველაზე მოხმარებადია რეგულარის ტიპის ბენზინი |  | Business & Economics | |
 მიმდინარე წლის პირველი რვა თვის განმავლობაში საქართველოში იმპორტირებულ ბენზინს შორის უდიდესი წილი მოდის A-92 რეგულარის ტიპის საწვავზე - 158 689 970 კილოგრამი, ანუ 72.3 პროცენტი, A-95 პრემიუმის ტიპის საწვავის წილი - 54 471 871 კილოგრამი, ანუ 24.8 პროცენტი და A-98 სუპერის ტიპის ბენზინი - 6 241 089 კილოგრამი, ანუ 2.8 პროცენტი. ამის შესახებ აცხადებს ნავთობპროდუქტთა იმპორტიორების კავშირის თავმჯდომარე ვანო მთვრალაშვილი.„წინა წლებისაგან განსხვავებით, შემცირებულია რეგულარის ტიპის ბენზინის იმპორტი, რომელიც ადრე 80 პროცენტს შეადგენდა. მის ხარჯზე გაზრდილია პრემიუმისა და სუპერის იმპორტი. რეგულარის საწვავის დიდი წილი განპირობებულია იმით, რომ მისი ფასი მნიშვნელოვნად დაბალია (საშუალოდ 10-15 თეთრით), ამასთან, მიუხედავად მუდმივი განახლებისა, საქართველოს ავტოპარკი მაინც მოძველებულია და ქვეყანაში არსებული ტრანსპორტისთვის აღნიშნული საწვავის მოხმარება სრულიად მისაღებია. მთვრალაშვილი განმარტავს, რომ დღეს მოხმარებადი ბენზინის თითქმის 60 პროცენტი ევრო 4-ისა და ევრო 5-ის სტანდარტის შესაბამისი საწვავია. „აღნიშნული კატეგორიის საწვავი ევროპული ქვეყნებიდან არის იმპორტირებული, კერძოდ: საბერძნეთიდან, იტალიიდან, ბულგარეთიდან, რუმინეთიდან. პრემიუმისა და სუპერის ტიპის ბენზინის იმპორტი მხოლოდ ევროპიდან ხორციელდება. რაც შეეხება დარჩენილ 40 პროცენტს, რომლის იმპორტიც აზერბაიჯანიდან ხორციელდება, საჭიროა აღინიშნოს, რომ თავისი ფიზიკურ-ქიმიური მაჩვენებლებით, იგი მნიშვნელოვნად გაუმჯობესდა ბოლო წლების განმავლობაში“, - აღნიშნავს იგი. რაც შეეხება დიზელს, უდიდესი წილი უკავია L-62+-ს - 174 175 791 კილოგრამი, ანუ 70.9 პროცენტი. დანარჩენი წილი მოდის ევრო დიზელზე - 70 421 228 კილოგრამი, ანუ 29 კილოგრამი. Source - bizzone
Share to:https://www.aspurcela.ge/asp-News_-_file_-_article_-_sid_-_3400.html
| |||
| Posted by Drakula | 11 Sep 2011, 20:35 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.20 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.