Translation tool beta version. Translation quality may be not a good
| პოლიტიკა: ოპოზიცია თბილისში ავტობუსთა ძველი მარშრუტების აღდგენას მოითხოვს |  | Georgian News | |
 პოლიტიკური მოძრაობა „თავისუფალი საქართველო“ და „თავისუფალი ასოციაციების კავშირი“ თბილისში ავტობუსთა ძველი ხაზების აღდგენას მოითხოვს. როგორც გუშინ, 8 აგვისტოს, კოლმეურნეობის მოედანზე ჩატარებულ ბრიფინგზე „თავისუფალი საქართველოს“ ლიდერმა კახა კუკავამ განაცხადა, თბილისში ავტობუსთა მარშრუტების შემცირებებისა და დამოკლების გამო მოსახლეობას იმისათვის, რომ ერთი წერტილიდან მეორეში მივიდეს, ორჯერ უწევს გადახდა.„თავისუფალი ასოციაციების კავშირის“ ხელმძღვანელის ალექსანდრე შალამბერიძის განცხადებით, ავტობუსთა ხაზების ერთიანი სისტემის დარღვევით გამოწვეული პრობლემა ქალაქის მოსახლეობას დააწვა მძიმე ტვირთად. მოსახლეობას შესაძლებლობა არა აქვს, გადაჯდომების გარეშე ქალაქის ერთი წერტილიდან მეორეში მივიდეს. „ეს იმ დროს ხდება, როცა სამარშრუტო ტაქსებში მგზავრობა 60 პროცენტით გაიზარდა. ჩვენ ძველი ხაზების აღდგენასა და ავტობუსების მოძრაობის ინტერვალის გაუმჯობესებას მოვითხოვთ“, - განაცხადა შალამბერიძემ. „მარშრუტკების ბიზნესი შარანგიასთან გადავიდა. ქალაქში გადასაადგილებლად მოსახლეობას ორი ავტობუსის გამოცვლა და ორჯერ გადახდა უწევს. ამიტომ მოსახლეობა გაძვირებული მარშრუტკებით სარგებლობას ამჯობინებს. ეს ნამდვილი ძარცვაა. თვეში 20-25 მილიონი ლარი გამოდის. ეს თანხა უგულავამ მოსახლეობის ჯიბეებიდან ამოიღო და შარანგიას ჯიბეში ჩაუდო. თუ ამ ქვეყანაში არის იუსტიციის მინისტრი ან შინაგან საქმეთა მინისტრი, ან რომელიმე სამართლებრივი ორგანო, მათ ახლავე უნდა დაიკავონ უგულავა“, - განაცხადა კუკავამ. Source - bizzone
Share to:https://www.aspurcela.ge/asp-News_-_file_-_article_-_sid_-_3386.html
| |||
| Posted by Drakula | 09 Sep 2011, 21:18 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.