Translation tool beta version. Translation quality may be not a good
| მეცნიერება-ტექნოლოგიები: გამოიგონეს შიდა ორგანოების საბეჭდი პრინტერი |  | World News | |
 ამერიკელმა მეცნიერებმა, რომლებიც რეგენერატიული მედიცინის სფეროში მუშაობენ, დაასრულეს თავიანთი მრავალწლიანი გამოკვლევის პირველი ეტაპი, რომელიც „ბიოპრინტერის“ შემუშავებაზეა მიმართული. უახლოესი მოწყობილობა იმავე პრინციპებით ფუნქციონირებს, რაც ჩვეულებრივი საოფისე პრინტერი. ოღონდ ტექსტისა და სურათების მაგივრად იგი ორგანოებს ბეჭდავს, იტყობინება NDTV.ქაღალდის პრინტერსა და ბიოპრინტერს შორის ძირითადი განსხვავება ისაა, რომ მელნის მაგივრად უახლოესი გამოგონების კარტრიჯებში საჭიროა ადამიანისა ან ცხოველის ღეროვანი უჯრედების რთული ნარევის ჩასხმა. აპარატი განკუთვნილია ქსოვილების, კანის ნაწილების, ხერხემლის დისკოების, მუხლის ხრტილებისა და სრულფასოვანო ორგანოების „საბეჭდავადაც“ კი. ცხადია, ცოცხალი ორგანიზმის ნაწილები ბევრად უფრო ნელა იბეჭდება, ვიდრე ტექსტი ქაღალდის ფურცელზე, თუმცა მეცნიერები ამბობენ, რომ ადამიანის ორგანიზმის ქსოვილების წარმოებისათვის ბიოპრინტერს სულ რამდენიმე საათი სჭირდება. ამ მომენტისათვის ბიოლოგებმა, რომლებიც რეგენერატიული მედიცინით არიან დაკავებულები, შეძლეს ვირთხის გულის დაბეჭდვა, რომელიც წარმატებით იქნა იმპლანტირებული გამომცდელ ცხოველში. მეცნიერები ამბობენ, რომ ადამიანის რთული ორგანოების (ისეთებისა, როგორებიცაა თირკმელები და ღვიძლი) ბეჭდვის შესაძლებლობა მხოლოდ დროის საკითხია. სპეციალისტთა პროგნოზით, ახალი გარღვევა რეგენერატიულ მედიციაში შეიძლება უახლოესი სამი-ხუთი წლის განმავლობაში გაკეთდეს. თუმცა, ბიოლოგები ამტკიცებენ, რომ მათ გამოგონებას ადამიანებისათვის სარგებლის მოტანა უკვე დღეს შეუძლია. მაგალითად, უახლოეს ბიოპრინტერში შეიძლება კანის ნაწილების დაბეჭდვა, რაც მნიშვნელოვნად გაუმარტივებს ცხოვრებას ადამიანებს, რომლებიც დამწვრობებისაგან დაშავდნენ. ექიმები იმედოვნებენ, რომ მალე დიდი რიგები ტრანსპლანტატების მისაღებად ისტორიას ჩაბარდება. ამ მომენტისათვის მხოლოდ აშშ-ში დონორული ორგანოების გადანერგვა 110 000 ადამიანს სჭირდება. 
Source - day.az
Share to:https://www.aspurcela.ge/asp-News_-_file_-_article_-_sid_-_3343.html
| |||
| Posted by Drakula | 06 Sep 2011, 18:06 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.