Translation tool beta version. Translation quality may be not a good
| ეკონომიკა: საქართველოს შიდა ტურიზმი 40%-ით გაიზარდა |  | Georgian News | |
 წელს საქართველო 3 მილიონ ტურისტს ელოდება, რაც შარშანდელ მაჩვენებელთან შედარებით 54%-ით მეტია. ტურიზმის დეპარტამენტის ინფორმაციით, დაახლოებით იგივე ზრდა შეინიშნა შიდა ტურიზმშიც. ბოლო მონაცემებით, წელს საქართველოს კურორტებზე უკვე დაახლოებით 900 ათასმა ადამიანმა დაისვენა, რაც წინა წელთან შედარებით 40%-ით მეტია.ტურისტთა ნაკადის უდიდესი ზრდა აჭარაში დაფიქსირდა, სადაც, დეპარტამენტის მონაცემებით, უკვე მემილიონე ტურისტი დარეგისტრირდა. მათგან 626 ათასი ადგილობრივი დამსვენებლები იყვნენ. ეს თითქმის 99%-ით მეტია, ვიდრე 2010 წლის იანვარ-აგვისტოს მაჩვენებელი. ტურისტთა ნაკადის ზრდას საქართველოს რკინიგზის მონაცემებიც ადასტურებს. მათი სტატისტიკით, წელს რკინიგზამ მგზავრთა რეკორდული რაოდენობა გადაიყვანა, თუმცა კონკრეტულ ციფრებს კომპანიაში ჯერ არ ასახელებენ. რკინიგზაში აცხადებენ, რომ იანვარ-ივლისში რკინიგზამ მილიონზე მეტი მგზავრი გადაიყვანა, ხოლო მგზავრთა გადაყვანის შედეგად მიღებულმა შემოსავალმა 5.5 მლნ ლარს გადააჭარბა. აგვისტოს შედეგების მოყვანა ჯერ არ დასრულებულა. შარშან მთელი საკურორტო სეზონის მანძილზე 700 ათასი მგზავრი იქნა გადაყვანილი, რაც იმ ეტაპზე რეკორდული მაჩვენებელი იყო. მგზავრთა ნაკადის ზრდა, თუმცა არც ისეთი მასშტაბით, ავტობუსების სეგმენტშიც ფიქსირდება. როგორც ავტოსადგურ „ოკრიბაზე“ აცხადებენ, წინასწარი მონაცემებით ამჟამინდელი საკურორტო სეზონის მანძილზე მგზავრთა რაოდენობა შარშანდელ სეზონთან შედარებით 15 პროცენტით გაიზარდა. ამავე დროს, ექსპერტთა ნაწილი წელს ტურისტების დეფიციტის შესახებ საუბრობს, რასაც კატეგორიულად არ ეთანხმება მთავრობა. ოფიციალური სტატისტიკით, ივლისის პერიოდისთვის საქართველოში უკვე იმყოფებოდა 1.5 მლნ ტურისტი და ამდენივეა მოსალოდნელი წლის ბოლომდე. Source - bizzone
Share to:https://www.aspurcela.ge/asp-News_-_file_-_article_-_sid_-_3342.html
| |||
| Posted by Drakula | 06 Sep 2011, 18:02 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.