Translation tool beta version. Translation quality may be not a good
| ეს საინტერესოა: ბორჯომის ხეობაში ზეადამიანის ცხოვრების მტკიცებულებები აღმოაჩინეს |  | Georgian News | |
 არქეოლოგებმა სენსაციური აღმოჩენა გააკეთეს. მათ ბორჯომის ხეობის მთებში აღმოაჩინეს იდუმალი არსებების ნეშტი, რომელთა შესახებაც საუკუნეების განმავლობაში ადგილობრივი მაცხოვრებლები ლეგენდებს თხზავდნენ. როგორც აღმოჩნდა, ზღაპრები უზარმაზარ გოლიათებზე სინამდვილეში რეალობაა. მაინც რა საიდუმლოს ინახავდა ეს მაღალმთიანი ადგილი?მიხეილ რობაქიძის რეპორტაჟი. ძვლები გოლიათ ადამიანებს ეკუთვნის. ისინი ბორჯომის ხეობის მთებში 25 ათასი წლის წინ ცხოვრობდნენ. მეცნიერები ირწმუნებიან, რომ გიგანტი ადამიანის სიმაღლე შეიძლება 2.5-დან 3-მდე მეტრს შეადგენდა. აკადემიკოს აბესალომ ვეკუას მიაჩნია, რომ აღმოჩენა შეიძლება გახდეს სენსაცია, ვინაიდან სამეცნიერო წრეებში დიდი ხანია განიხილება თემა, რომელიც ეხება გოლიათებს, რომლებიც ათობით ათასი წლის წინ ევრაზიის ცალკეულ რაიონებში ცხოვრობდნენ. აბესალომ ვეკუა, საქართველოს მეცნიერებათა აკადემიის აკადემიკოსი: „ყურადღება მიაქციეთ თეძოს ძვალს, იგი თავისი ზომითა და სისქით თანამედროვე ადამიანის ძვლისაგან განსხვავდება. თავის ქალაც მნიშვნელოვნად უფრო დიდია. ეს ადამიანები დანარჩენი ცივილიზაციისაგან განცალკევებულად ცხოვრობდნენ და ვითარდებოდნენ, ამიტომ სიმაღლითაც განსხვავდებოდნენ. სამეცნიერო ლიტერატურაში ისინი მოიხსენიება როგორც გოლიათები, თუმცა ამ ჰიპოთეზის დოკუმენტური დადასტურებები არ არსებობდა. ამდაგვარად, ჩვენ სენსაციის ზღურბლზე ვართ. მაგრამ მანამდე საკირკიტო სამუშაო გველის“. ლეგენდა გოლიათებზე ბორჯომის ხეობის მაღალმთიან რაიონში თაობიდან თაობას გადაეცემოდა. ადგილობრივი მწყემსები და მონადირეები ამტკიცებენ, რომ მათ წინაპრები უყვებოდნენ მათ ზეძლიერ გიგანტებზე, რომლებიც დიდი ხნის წინ ამ მთებში ცხოვრობდნენ. მურმან შირაქაძე, სატყეოს უფროსი: „პაპაჩემი მიყვებოდა ამ უცნაურ არსებებზე, რომლებიც ადრე აქ ბინადრობდნენ. მასაც, ალბათ, ამის შესახებ ვინმემ მოუყვა. მთებში ცხოვრების მკაცრი პირობებია, დღემდე ხელშეუხებელი ბუნებაა, ალბათ, ამიტომ მხოლოდ ზეადამიანს შეეძლო იმ დროს გადარჩენა“. Source - Грузия Online
Share to:https://www.aspurcela.ge/asp-News_-_file_-_article_-_sid_-_3307.html
| |||
| Posted by Drakula | 03 Sep 2011, 19:49 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.33 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.