Translation tool beta version. Translation quality may be not a good
| პოლიტიკა: პოლიტოლოგი: „საქართველოსთვის სოხუმის საპრეზიდენტო არჩევნები არააქტუალურია“ |  | Georgian News | |
 ქართველ პოლიტილოგ მამუკა არეშძეს მიაჩნია, რომ საქართველოსთვის პრაქტიკული მნშვნელობა არა აქვს, ვინ გაიმარჯვებს „თვითგამოცხადებული აფხაზეთის ე. წ. საპრეზიდენტო არჩევნებში“.ამა წლის 31 მაისს პრეზიდენტს სერგეი ბაგაფშის გარდაცვალების შემდეგ აფხაზეთის დე-ფაქტო პარლამენტმა გადაწყვეტილება მიიღო 26 აგვისტოს თვითგამოცხადებული რესპუბლიკის უფროსის რიგგარეშე არჩევნების ჩატარების შესახებ. არჩევნებზე კანდიდატებად დარეგისტრირდნენ ვიცე-პრეზიდენტი, სახელმწიფოს უფროსის მოვალეობების შემსრულებელი ალექსანდრე ანქვაბი, პარტია „აფხაზეთის ეროვნული ერთიანობის ფორუმის“ თავმჯდომარე რაულ ხაჯიმბა და პრემიერ-მინისტრი სერგეი შამბა. პირველი ორი წინასაარჩევნო კამპანიის დროისთვის ოფიციალურად შვებულებაში იმყოფებიან და თანამდებობრივ მოვალეობებს არ ასრულებენ. მამუკა არეშიძემ განაცხადა, რომ საქართველოსთვის თვითგამოცხადებული რესპუბლიკის დე-ფაქტო პრეზიდენტის არჩევნების ნებისმიერი შედეგის შეთხვევაში პრაქტიკულად არაფერი შეიცვლება. „თუ ჩვენ თვითონ არ ვიხელმძღვანელებთ ახალი მიდგომებითა და იდეებით აფხაზეთის მიმართ, არ ვიმოქმედებთ კრეატიულად და ხელიდან არ გავუშვებთ ინიციატივას, მაშინ საქართველოსთვის საკითხი, თუ ვინ გახდება დე-ფაქტო პრეზიდენტი, არააქტუალური ხდება“, - აღნიშნა არეშიძემ. თავის მხრივ, ოფიციალური თბილისი, აფხაზეთის დე-ფაქტო პრეზიდენტის არჩევნების თემაზე საუბრისას, აცხადებს, რომ ისინი ნებისმიერ შემთხვევაში უკანონო იქნება. „არავის აქვს საქართველოს ტერიტორიაზე სეპარატისტული არჩევნების ჩატარების უფლება... საერთაშორისო სამართლის თვალსაზრისით ასეთი არჩევნები არალეგიტიმურია და იურიდიული საფუძველი არა აქვს...“, - განაცხადა ერთ-ერთ ბრიფინგზე საქართველოს საგარეო საქმეთა მინისტრის მოადგილემ ნინო კალანდაძემ. საგარეო პოლიტიკური უწყების წარმომადგენელმა აღნიშნა, რომ „პირობებში, როდესაც აფხაზეთის ტერიტორია ოკუპირებულია და როდესაც სიტუაციას ოკუპაციური ძალები ფლობენ, სიტუაცია არსებითად არ იცვლება“. Source - day.az
Share to:https://www.aspurcela.ge/asp-News_-_file_-_article_-_sid_-_3255.html
| |||
| Posted by Drakula | 26 Aug 2011, 19:18 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.