Translation tool beta version. Translation quality may be not a good
| გარემო: ბათუმში გამწვანების ახალ პროექტს აპროტესტებენ |  | Georgian News | |
 ბათუმის მაცხოვრებლები მრავალსაუკუნოვანი ხეების გაჩეხვას აპროტესტებენ. ისინი აცხადებენ, რომ ქალაქში ხეების გამოჩეხვით იცვლება მიკროკლიმატი და ეკოლოგიურ პრობლემებთან ერთად ადამიანის ჯანმრთელობისთვის საფრთხე ჩნდება.ბათუმის მაცხოვრებელი, ეკოლოგი ნოდარ ჩხეიძე აცხადებს, რომ ეს პრობლემა უკვე გახდა აქტუალური ქალაქისთვის, რამდენადაც საუკუნოვანი ხეების მასიური გაჩეხვა მიმდინარეობს. მას მიაჩნია, რომ ხეები კი არ უნდა გაჩეხონ, არამედ სხვა ადგილებში გადარგონ. როგორც ქალაქის საკრებულოს ფრაქციის „ბათუმისთვის“ თავმჯდომარემ ირაკლი ჩავლეიშვილმა განაცხადა, ქალაქის გამწვანების საკითხი მთლიანად არის დამოკიდებული ხელისუფლებების ნებაზე. მისი თქმით, მას არა თვითმმართველობის ორგანო, არამედ ქვეყნის პრეზიდენტი წყვეტს. მემედ აბაშიძის პროსპექტზე ხეები კომპანია „მწვანე ბათუმმა“ გაჩეხა. მაშინ გაჩეხვის მიზეზად ასახელებდნენ ამ გზის რეაბილიტაციასა და ტროტუარების გაფართოებას, ველოტრასების დაგებას. გაზეთ „რეზონანსში“ გამოაქვეყნებულ სტატიაში სათაურით „ქართული ქალაქები ეკოლოგიური კატასტროფის წინაშე დგას“ მოცემულია ბათუმის მერიის კომენტარი, რომელშიც ნათქვამია, რომ ძველი ხეები გარემონტებული შენობების ფასადებს ფარავდა, რის გამოც ისინი გაჩეხეს. „რეზონანსის“ სტატიას დეზინფორმაცია უწოდა ბათუმის გამწვანების სამსახურის უფროსმა კახა გუჩმანიძემ. მისი თქმით, ქალაქში გამწვანების თვალსაზრისით აგროტექნიკური სამუშაოები ტარდება. მისი თქმით, ყველა გაჩეხილი ხე ავად იყო. ამავე დროს, მწვანეთა მოძრაობის ბიომრავალფეროვნების პროგრამის კოორდინატორი მარინა ჟორდანია აცხადებს, რომ კლიმატური ცვლილებების ფონზე ხეები კი არ უნდა გაჩეხონ, არამედ უნდა იქმნებოდეს დამატებითი მწვანე ზონები. Source - Грузия Online
Share to:https://www.aspurcela.ge/asp-News_-_file_-_article_-_sid_-_3253.html
| |||
| Posted by Drakula | 26 Aug 2011, 19:16 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.