მოქალაქეთა 36% რუსულ ბაზარზე „ბორჯომის“ დაბრუნების წინააღმდეგია, ამასთან, ამდენივე რესპონდენტმა (36%) თქვა, რომ მანამდე ქართული წარმოების მინერალური წყლები არასდროს დაულევია. მოსახლეობის ამ ჯგუფს შორის ჭარბობს ახალგაზრდობა, გლეხები, ციმბირისა და სამხრეთის ფედერალური ოლქები მაცხოვრებლები, იტყობინებიან სოციოლოგები.


იმ რუსებს შორის, ვინც მანამდე საქართველოს მინერალურ წყლებს სვამდა, მათზე დადებითად განაცხადა გამოკითხულთა 44%-მა. მოქალაქეთა 8% ქართულ მინერალურ წყლებს მათი ხელახლა გამოყენების სურვილის უქონლობის გარეშე იხსენებდა.


საქართველოდან ღვინისა და მინერალური წყლის მიწოდებაზე აკრძალვა რუსეთმა 5 წლის წინ შემოიღო, რაც ხარისხისადმი პრეტენზიებით ახსნა. რუსეთის სანიტარულ სამსახურში მიაჩნიათ, რომ რუსეთის ფედერაციის ბაზარზე ქართული ღვინისა და მინერალური წყლის - „ბორჯომის“ დაბრუნებას დაბრკოლებას უქმნის ოფიციალური თბილისის პოზიცია.


ბოლო დროს რუსეთში „ბორჯომის“ დაბრუნების ამოცანით აქტივიზირდა რუსეთის მთავარი სანიტარი გენადი ონიშენკო, რისთვისაც სხვადასხვა სახის ხრიკებს მიმართა. თუმცა, როგორც მინერალური წყლის მწარმოებლები აცხადებენ, ისინი რუსეთის პოლიტიზებულ ბაზარზე დაბრუნებას არ ჩქარობენ. მითუმეტეს, რომ მათი გაყიდვები დღეს უფრო კარგია, ვიდრე ეს რუსეთის ემბარგომდე იყო.