Translation tool beta version. Translation quality may be not a good
| ეს საინტერესოა: მსოფლიოში შეიძლება მცურავი სახელმწიფოები გაჩნდეს |  | World News | |
 სილიკონის ველის ერთ-ერთმა მილიარდერმა, PayPal-ის შემქმნელმა პიტერ ტილმა 1.25 მილიონი დოლარი მცურავი სახელმწიფოების შექმნაში დააბანდა. ამის შესახებ წერს ამერიკული ჟურნალი Details.Seasteading Institute, რომელმაც ფული Facebook-ის ინვესტორისაგან მიიღო, უკვე რამდენიმე წელია ამუშავებს დამოუკიდებელი საზოგადოებების კონცეფციას, რომლებიც, როგორც ინსტიტუტის შემქმნელები ვარაუდობენ, იცხოვრებენ მცურავ პლატფორმებზე ნეიტრალურ წყლებში. ახალი მიკროსახელმწიფოების მაცხოვრებლები გათავისუფლებულები იქნებიან კანონებისაგან ჩვეული გაგებით. ინსტიტუტის დირექტორის პატრი ფრიდმანის თქმით, ამ პლატფორმებით შეიძლება დაინტერესდნენ რელიგიური და პოლიტიკური მიმდინარეობების წარმომადგენლები, ასევე ინტერესების მიხედვით ჯგუფები, როგორებიცაა ნუდისტები, ეკოლოგები ან ნარკოტიკების თავისუფალი ბრუნვის მომხრეები. შემქმნელები პირობას დებენ, რომ ახალ საზოგადოებაში არ იქნება ისეთი ცნებები, როგორიცაა საარსებო მინიმუმი ან შემოსავლის დონე, პლატფორმებზე მშენებლობის რეგლამენტაციას არ ექნება ადგილი. იმ მცირე წესებიდან ერთ-ერთი, რომელთა წინაშე მცურავი მიკროსახელმწიფოების მაცხოვრებლები აღმოჩნდებიან, გახლავთ ზოგიერთი შეზღუდვა იარაღის ტარებაზე, აზუსტებს Details. 2012 წელს კალიფორნიის სანაპიროზე გაჩნდება მცურავი სასტუმრო ClubStead 34.2 ათასი კვადრატული მეტრის საერთო ფართობით, რომელიც Seasteading Institute-ის მიერ პროექტირებული იქნება როგორც ექსპერიმენტული მცურავი პლატფორმა. სასტუმროს შექმნას 120 მილიონი დოლარი დასჭირდება, წერს ჟურნალი Esquire ფრიდმანზე მინიშნებით. პიტერ ტილი, რომელიც თავისი ლიბერტარიანული შეხედულებებით არის ცნობილი, საკმაოდ დიდი ხანია, რაც Seasteading Institute-ში ინვესიტრებას ახდენს. უტოპიური კონცეფციის განვითარებაში პირველი წვლილი 500 ათასი დოლარის ოდენობით მან 2008 წელს შეიტანა. ამჟამად მისი ფონდი ინსტიტუტის პროექტების რეალიზაციისათვის საჭირო სახსრების ძიებით არის დაკავებული. პირველი მცურავი სახელმწიფო 1967 წელს ბრიტანელმა გადამდგარმა მაიორმა შექმნა. საგრაფო სილენდი (Sealand) დიდი ბრიტანეთის სანაპიროდან 10 კილომეტრში ჩრდილოეთ ზღვაში განლაგებულ ზღვის პლატფორმაზე მდებარეობს. 2009 წელს პლატფორმა ოფიციალურად გაიტანეს გასაყიდად 750 მილიონ ევროდ. პლატფორმის ყიდვით უმსხვილესი ტორენტ-ჰოსტინგი The Pirate Bay დაინტერესდა, მაგრამ ჯერჯერობით რესურსის მფლობელებმა საკმარისი თანხის შეგროვება ვერ მოახერხეს. Source - day.az
Share to:https://www.aspurcela.ge/asp-News_-_file_-_article_-_sid_-_3167.html
| |||
| Posted by Drakula | 18 Aug 2011, 20:49 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.