Translation tool beta version. Translation quality may be not a good
| ეს საინტერესოა: სოციალიზმი ნაადრევი სიკვდილის საწინააღმდეგო წამალი აღმოჩნდა |  | World News | |
 მეტნაკლებად ერთტიპიანი სოციალური კავშირების მქონე დიდ საზოგადოებებში ცხოვრება დადებითად მოქმედებს სიცოცხლის ხანგრძლივობაზე. ასეთი დასკვნა წარმოადგინა მეცნიერთა ჯგუფმა სტატიაში ჟურნალ PLoS ONE-ში, ხოლო ნაშრომის შესახებ მოკლედ წერს Wired.სპეციალისტები 11 წლის განმავლობაში აკვირდებოდნენ დამანებს - აფრიკასა და ახლო აღმოსავლეთში მობინადრე პატარა ბალახისმძოველ ძუძუმწოვრებს. მეცნიერებმა გაარკვიეს, რომ ამ ცხოველთა კოლონიები ორ ტიპად იყოფა - პირველ მათგანში ყველა დამანს სხვა ცხოველებთან კავშირთა დაახლოებით ერთნაირი რაოდენობა ჰქონდათ, ამასთან თითოეული კონტაქტის სიახლოვის დონე ასევე დაახლოებით ერთნაირი იყო კოლონიის ყველა წევრისთვის. ავტორებმა ასეთ კოლონიებს სოციალისტური უწოდეს. მეორე ტიპის კოლონიებში მხოლოდ ზოგიერთ დამანს ჰქონდა სოციალური კავშირების დიდი რიცხვი, მაშინ, როდესაც დანარჩენები ცხოველთა ძალიან უმნიშვნელო რაოდენობასთან ურთიერთობდნენ ან საერთოდაც პრაქტიკულად მარტოხელები იყვნენ. აღმოჩნდა, რომ ცხოველები მეორე ტიპის კოლონიებიდან საშუალოდ რამდენიმე წლით უფრო ნაკლებს ცხოვრობენ, ვიდრე პირველი ტიპის კოლონიებში მცხოვრები დამანები. ამასთან, ეს ეფექტი მეორე ტიპის კოლონიებში მობინადრე სოციალურად აქტიურ დამანებსაც ეხებოდა. ჯერჯერობით მეცნიერებს არ შეუძლიათ ერთმნიშვნელოვნად დადგენა იმისა, თუ რა წარმოადგენს ცხოვრების ხანგრძლივობის შემცირების მიზეზს „არასოციალისტურ“ კოლონიებში მცხოვრებ დამანებს შორის. წინასწარმა ანალიზმა საშუალება მისცა მკვლევარებს, გამოერიცხათ ისეთი ვარიანტები, როგორიცაა საზოგადოებრივ რესურსებთან მარტოხელათა არასაკმარისი წვდომა ან ამ ცხოველების მტაცებელთა მიერ უპირატესი განადგურება. ერთ-ერთი შესაძლო ვერსიების სახით სპეციალისტები განიხილავენ სტრესულ ჰიპოთეზას - მეორე ტიპის კოლონიები რამდენიმე ყველაზე ძლიერი და აგრესიული ცხოველით კონტროლირდება, ასეთ მმართველობის უნარი კი კოლონიის ყველა წევრს შორის სტრესს იწვევს. ცოტახნის წინ მეცნიერთა სხვა კოლექტივმა აჩვენა, რომ მეგობრობას სიცოცხლის გახანგრძლივება შეუძლია. პავიანეებზე დაკვირვებებმა აჩვენა, რომ მეგობრული კავშირდების დიდი რაოდენობის მქონე ცხოველები თავიანთ მარტოხელა ნათესავებზე რამდენიმე წლით მეტს ცხოვრობენ. Source - lenta.ru
Share to:https://www.aspurcela.ge/asp-News_-_file_-_article_-_sid_-_3139.html
| |||
| Posted by Drakula | 15 Aug 2011, 21:31 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.