Translation tool beta version. Translation quality may be not a good
| კულტურა: სააკაშვილი: ნიცასა და კანში არაა ისეთი ადგილები, როგორც ბათუმში |  | Georgian News | |
 ნიცასა და კანში არაა ისეთი ადგილები, როგორც ბათუმში, - განაცხადა საქართველოს პრეზიდენტმა მიხეილ სააკაშვილმა აჭარის დედაქალაქში ოპერისა და ბალეტის თეატრის ახალი შენობის გახსნის ცერემონიის დასრულების შემდეგ. სააკაშვილის თქმით, საოპერო თეატრი გვირგვინია იმ ყველაფრისა, რაც ბათუმში ბოლო წლებში გაკეთდა.„თბილისში აღდგენილ იქნა რუსთაველი თეატრი, მარჯანაშვილის თეატრი, გრიბოედოვის თეატრი, მიმდინარეობს გრანდიოზული სამუშაოები თბილისის საოპერო თეატრში, ფილარმონიაში, გარემონტებულია თელავის თეატრი და სხვა რამდენიმე რეგიონალური თეატრი. და აი, ახლა ბათუმში ეს კულტურისა და უნახავი სილამაზის ხელოვნების ცენტრი აშენდა“, - აღნიშნა მიხეილ სააკაშვილმა. საქართველოს პრეზიდენტის თქმით, ბათუმის განახლება ტურისტების შემოდინების ზრდის წინაპირობაც არის, რაც, თავის მხრივ, ახალ სამუშაო ადგილებს შექმნის. „ძალიან ბევრი რამ კეთდება. მოქალაქეებმა ნამდვილად იციან ის, რაც ტელევიზორში მოლაპარაკე პოლიტიკოსებმა არ იციან. ეს ნიშნავს, რომ იქნება ბევრად მეტი დამსვენებელი, ბევრად მეტი მცირე ბიზნესი. ძალიან კარგად იმუშავა ლევან ვარშალომიძემ“, - ხაზი გაუსვა სააკაშვილმა. პრეზიდენტმა აღნიშნა, რომ რეგიონში სამშენებლო სამუშაოებს, ძირითადად, ადგილობრივი კადრები ასრულებენ. „ამ ყველაფერს ქართველები აშენებენ. თავიდან, როდესაც ბათუმის აღორძინება იწყებოდა, მუშათა 80% თურქები იყვნენ. ახლა კი, თუ მოინდომებთ, თურქ მუშას შესაძლოა აქ ვერც იპოვით. ყველაფერს ქართველები აკეთებენ, ჩვენ საუკეთესოდ ვისწავლეთ მუშაობა. და ესეც დიდი მიღწევაა“, - განაცხადა მიხეილ სააკაშვილმა. ბათუმის საოპერო თეატრის გახსნის ცერემონიას პრეზიდენტთან ერთად ესწრებოდნენ პირველი ლედი სანდრა რულოვსი, სხვა ოფიციალური პირები, ასევე სრულიად საქართველოს კათოლიკოს-პატრიარქი ილია II. Source - Грузия Online
Share to:https://www.aspurcela.ge/asp-News_-_file_-_article_-_sid_-_3135.html
| |||
| Posted by Drakula | 15 Aug 2011, 21:28 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.