Translation tool beta version. Translation quality may be not a good
| ეკონომიკა: როგორი გავლენის მოხდენა შეუძლია საქართველოზე მსოფლიო ბაზრების დაცემას? |  | Business & Economics | |
 როგორი გავლენის მოხდენა შეუძლია საქართველოზე მსოფლიო ბაზრებზე მიმდინარე დაცემას, რომელიც აშშ-ის საკრედიტო რეიტინგის შემცირებას მოჰყვა? „ეკონომიკური პოლიტიკის ინსტიტუტის“ აღმასრულებელი დირექტორის გიორგი აბაშიშვილის აზრით, მსოფლიო ბირჟებზე მიმდინარე პროცესები აუცილებლად აისახება საქართველოზე, რაც ძირითადად შეეხება ბანკებს, რომლებიც ყველაზე მეტადაა ინტეგრირებული გლობალურ სისტემაში, ქვეყნის ეკონომიკის სხვა სექტორთა შორის.კერძოდ, იგი პროგნოზირებს საკრედიტო რესურსების შემცირებას, რაც, აბაშიშვილის თქმით, ისედაც პრობლემაა ქართული ბანკებისათვის. შედეგად, ექსპერტი კრედიტების გაცემის პირობების გართულებასა და საპროცენტო განაკვეთის გაზრდას ვარაუდობს.„კრედიტების უმეტესობა სამომხმარებლო სეგმენტზე მოდის და უდიდესი დარტყმა სწორედ მანდ არის მოსალოდნელი - შესაძლოა, კრედიტის მიღება გართულდება. ქართულ საბანკო სექტორში ისედაც გამოვლინდა საპროცენტო განაკვეთის შემცირების პროცესის შეჩერება. არ გამოვრიცხავ, რომ პროცენტების ზრდის ტენდენციაც დაიწყება“, - აღნიშნა მან. თუმცა მსოფლიოს მასშტაბით იგი კრიზისის გამეორებას გამორიცხავს, ვინაიდან ექსპერტის თქმით, წამყვანმა ქვეყნებმა უკვე მიიღეს კრიზისთან ბრძოლის გამოცდილება და პრობლემის გაღრმავებას არ დაუშვენებენ. „ვფიქრობ, ევროპული და ამერიკული პრობლემები ლოკალიზებული იქნება. ამიტომ ისეთი კრიზისის გამეორებას, როგორიც 2008 წელს იყო, გამოვრიცხავ“, - განაცხადა აბაშიშვილმა. უფრო მსუბუქ პროგნოზს აკეთებს ეკონომიკური საკითხების ექსპერტი ირაკოლი ლეკვინაძე. მისი თქმით, შტატების რეიტინგის შემცირების ფონზე ქართულ ბაზარზე მოსალოდნელია დოლარის კიდევ უფრო ძლიერი შესუსტება, მაგრამ ამას შეუქცევადი ხასიათი არ ექნება. „ვფიქრობ, აშშ-ის საკრედიტო რეიტინგის დაცემა ვერ შეძლებს საქართველოზე დიდი გავლენის მოხდენას. მთავარი, რაც ქართულ ბაზარზე აისახება, დოლარის შესუსტებაა, რაც რეიტინგის შემცირების შემდეგ გაგრძელდება. საქართველოს სავალუტო რეზერვის 70 პროცენტამდე სწორედ აღნიშნულ ვალუტაშია განთავსებული, გარდა ამისა, მრავალს დანაზოგები დოლარებში აქვს, მაგრამ, ვფიქრობ, ეს პროცესი დიდხანს არ გაგრძელდება“, - აღნიშნა ექსპერტმა. Source - bizzone
Share to:https://www.aspurcela.ge/asp-News_-_file_-_article_-_sid_-_3114.html
| |||
| Posted by Drakula | 10 Aug 2011, 22:13 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 5  |
|
 |
|
 |
[ Page Generation: 0.36 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.