Translation tool beta version. Translation quality may be not a good
| მეცნიერება-ტექნოლოგიები: კლიმატის ცვლილება ადამიანის ევოლუციის სტიმულატორი აღმოჩნდა |  | World News | |
 კლიმატის მკვეთრმა ცვლილებებმა, რომლებსაც ადგილი ჰქონდა დედამიწაზე დაახლოებით 5 მილიონი წლის წინ, შესაძლოა ხელი შეუწყო სახეობა Homo-ს ევოლუციას - თანამედროვე ადამიანების წინაპრები იძულებულები იყვნენ, შეგუებულიყვნენ მუდმივად ცვლილებად პირობებს. ასეთი დასკვნა წარმოადგინა მეცნიერთა ჯგუფმა თავის სტატიაში ჟურნალ Journal of Archaeological Science-ში. მოკლედ ნაშრომზე წერს New Scientist.მეცნიერები მუშაობდნენ ფორამინიფერებად ცნობილი უმარტივესი ზღვის ორგანიზმების გაქვავებულ ნარჩენებზე. ამ ორგანიზმების ნიჟარები, გარემოს ტემპერატურის მიხედვით, აგროვებს ჟანგბადის სხვადასხვა რაოდენობის მსუბუქ და მძიმე იზოტოპებს (იზოტოპებს უწოდებენ ერთი და იმავე ელემენტის ატომებს, რომელთა ბირთვები სხვადასხვა რაოდენობის ნეიტრონებს შეიცავს). გამყინვარების პერიოდების დროს ჟანგბადი-16-ის უფრო მსუბუქი იზოტოპი გროვდება უპირატესად წყლის მოლეკულების შემადგენლობაში ყინულსა და თოვლში, და არა ოკეანეში. შესაბამისად, უფრო ცივი დროითი ეტაპების დროს ფორამინიფერთა ნიჟარები ჟანგბადი-18-ის უფრო მძიმე იზოტოპს „აგროვებს“. უმარტივესთა ნიჟარებში იზოპოტების შემცველობის ანალიზმა საშუალება მისცა მეცნიერებს გაერკვიათ, რომ დაახლოებით 5 მილიონი წლის წინ დედამიწაზე ტემპერატურა მკვეთრად იცვლებოდა. მეცნიერები ვარაუდობენ, რომ „საშუალოსტატისტიკური“ მაჩვენებლებისაგან კლიმატის ასეთი გადახრები განაპირობებდა იმას, რომ ადამიანმა ცვლილებადი პირობებისადმი სწრაფად ადაპტირების უნარი შეიძინა - ეს თავისებურება სახეობა Homo-ს მრავალი სხვა სახეობისაგან განასხვავებს. არახელსაყრელი პირობებისადმი ადამიანის მაღალი შემგუებლობა ცოტახნის წინ დამტკიცებული იქნა დამოუკიდებელ გამოკვლევაში. სპეციალისტები, რომლებიც შეისწავლიდნენ თანამედროვე ნორფოლკის ტერიტორიაზე მობინადრე ძველი ხალხისაგან დარჩენილ არტეფაქტებს, გაარკვიეს, რომ მათ პლანეტის ჩრდილოეთი ტერიტორიების ათვისება იმაზე ოდნავ უფრო ადრე დაიწყეს, ვიდრე მანამდე იყო მიჩნეული. Source - lenta.ru
Share to:https://www.aspurcela.ge/asp-News_-_file_-_article_-_sid_-_3113.html
| |||
| Posted by Drakula | 09 Aug 2011, 22:57 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.23 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.