Translation tool beta version. Translation quality may be not a good
| პოლიტიკა: თემურ იაკობაშვილი: რუსეთის იმიჯი დაქვეითდა და მას საქართველოსთან ომში არ გაუმარჯვია |  | Georgian News | |
 2008 წლის კონფლიქტის შედეგად აფხაზეთსა და სამხრეთ ოსეთს დამოუკიდებლობა არ მიუღიათ, არამედ რუსეთზე უფრო მეტად დამოკიდებულები გახდნენ, რომელსაც მიაჩნია, რომ საქართველოსთან ომში გაიმარჯვა, მიაჩნია საქართველოს ელჩს აშშ-ში თემურ იაკობაშვილს, იტყობინება “GHN“.საქართველოსა და რუსეთს შორის ურთიერთობის თაობაზე თავისი პოზიცია იაკობაშვილმა გაუზიარა რუსულ სამსახურს - „ამერიკის ხმებს“, რომელსაც ექსკლუზიური ინტერვიუ მისცა. „ვფიქრობ, რომ ამ ომში გამარჯვებულები არ არიან. ჩვენ ადამიანების სიცოცხლეები დავკარგეთ, რომელთა დაბრუნებასაც ვერ შევძლებთ. სხვა დანარჩენის გამოსწორება შეიძლება. არ მგონია, რომ რუსეთმა ომში გაიმარჯვა, იმიტომ რომ რუსეთის იმიჯი დაქვეითდა, რუსეთი ახლა თავის თავს ღიად პოზიციონირებს როგორც საოკუპაციო ძალას, და ამის დიპლომატიური გზით დაკანონების მცდელობები ჩავარდა. არ მგონია, რომ სამხრეთ ოსეთმა ან აფხაზეთმა დამოუკიდებლობა მიიღეს - ისინი, ეჭვის გარეშე, უფრო მეტად გახდნენ დამოკიდებულები. გამარჯვებული არც საქართველოა. ვფიქრობ, რომ მსგავსი სამხედრო პროვოკაციები, სამხედრო მექანიზმები, რომლებიც მიმართულია იმაზე, რომ მიღებულ იქნას კონტროლი მეზობელ ტერიტორიებზე, ეს რუსეთის ფედერაციის შეცდომითი სტრატეგიაა. როგორც კი რუსეთი თავის პოლიტიკას შეცვლის, ეს უკეთესი იქნება მთელი რეგიონისა და თავად რუსეთისთვის“, - აღნიშნა მან. ამავდროულად, იაკობაშვილმა აღნიშნა, რომ რუსეთის ყველა განცხადება იმაზე, რომ ისინი საქართველოს მხოლოდ ახალ, სააკაშვილის გარეშე, ხელისუფლებას დაელაპარაკებიან, ყურადღებას არ იმსახურებს. „ძალიან სამწუხაროა, რომ ყველა ეს ხმა მოსკოვში დაწერილი ნოტებით მღერის. ეს განცხადებები სერიოზულ განხილვას არ იმსახურებს არც ქართული ხელმძღვანელობისთვის, არც საერთაშორისო საზოგადოებისთვის. ეს განცხადებები არ მოგვაცდენს იმ ფაქტისაგან, რომ რუსეთი ოკუპირებადი ძალაა, რომელიც საერთაშორისო კანონებს არღვევს. ის ოპოზიციონერები, რომლებზედაც საუბრობთ, მარგინალური ჯგუფები არიან, რომელთა რიცხოვნობა მცირეა. ასე რომ არ მგონია, რომ ეს ხმები სერიოზულად უნდა აღვიქვათ“, - თქვა მან. Source - GHN
Share to:https://www.aspurcela.ge/asp-News_-_file_-_article_-_sid_-_3109.html
| |||
| Posted by Drakula | 09 Aug 2011, 22:53 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.