Translation tool beta version. Translation quality may be not a good
| ეს საინტერესოა: ტერორიზმის თვალსაზრისით ყველაზე საშიში ქვეყნების რეიტინგში რუსეთი მე-14 ადგილზეა |  | World News | |
 რუსეთი ტერორიზმის თვალსაზრისით მსოფლიოს ყველაზე საშიში ქვეყნების ოცეულში მოხვდა. რეიტინგი ბრიტანულმა კონსალტინგურმა კომპანია Maplecroft-მა შეადგინა. იმ ქვეყნების სიას, რომლებშიც ანალიტიკოსები ტურისტებს არ ურჩევენ მგზავრობას, სათავეში უდგას სომალი, იტყობინება GHN.როგორც Reuters გადმოსცემს, სულ სიაში წარმოდგენილია 198 ქვეყანა, ხოლო რუსეთს რეიტინგში მე-14 ადგილი უკავია. შეფასება ტერორისტული თავდასხმების სიხშირისა და დონის, ასევე მათ მიერ გამოწვეული მსხვერპლების რაოდენობის მაჩვენებლებით წარმოებს, აღნიშნავს РБК. საერთო ჯამში, Maplecroft-ის მონაცემებით, 2010 წელს ტერორისტთა ქმედებების შედეგად 13 ათას 492 ადამიანი დაიღუპა. წლით ადრე ტერორისტებმა 14 ათას 478 ადამიანი მოკლეს. რეიტინგში პირველი ადგილი ერგო სომალის რადიკალური ისლამისტური დაჯგუფებების უდიდესი რაოდენობის გამო, რომლებიც "ალ-ქაიდასთან" არის დაკავშირებული. შარშან სომალი ასევე პლანეტის ყველაზე ტერორისტულ სახელმწიფოდ იქნა აღიარებული. შარშანდელი "ლიდერები" ასევე შევიდნენ ყველაზე საშიში ქვეყნების რიცხვში - ესენია ავღანეთი, ერაყი და პაკისტანი. ტოპ-20-ში მსოფლიოს ყველაზე ახალგაზრდა სახელმწიფოც - სამხრეთ სუდანი მოხვდა. ტერორისტული საფრთხის უდიდესი ზრდა აჩვენეს იემენმა, ირანმა, უგანდამ, ლიბიამ, ეგვიპტემ და ნიგერიამ. არაბულ ქვეყნებში ასეთი დინამიკა რევოლუციურ გამოსვლებს უკავშირდება, ხოლო უგანდასა და ნიგერიაში აღნიშნულია სეპარატისტთა აქტივიზაცია. ყველაზე საშიში ქვეყნების ოცეულში ასევე შევიდნენ პალესტინის ავტონომია, კონგოს რესპუბლიკა, ცენტრალურ-აფრიკული რესპუბლიკა, კოლუმბია, ალჟირი, ტაილანდი, ფილიპინები. რუსეთს ტერორისტული საფრთხის რეიტინგში უთმობენ ისეთი ქვეყნები, როგორებიცაა სუდანი, ირანი, ბურუნდი, ინდოეთი, ნიგერია და ისრაელი. საფრთხის ყველაზე პატარა დონე მიენიჭა სკანდინავიურ ქვეყნებს (რეიტინგი ნორვეგიაში მომხდარ ტერაქტამდე შეადგინეს), აშშ-ს, კანადას, ავსტრალიასა და ახალ ზელანდიას, გადმოსცემს NEWSru.com Source - GHN
Share to:https://www.aspurcela.ge/asp-News_-_file_-_article_-_sid_-_3057.html
| |||
| Posted by Drakula | 04 Aug 2011, 15:29 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.24 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.