Translation tool beta version. Translation quality may be not a good
| მეცნიერება-ტექნოლოგიები: მეცნიერები: დედამიწას ორი თანამგზავრი ჰქონდა - ერთი მათგანი მთვარესთან შეჯახებისშედეგად განადგურდა |  | World News | |
 მეცნიერთა აზრით, ადრე დედამიწას კიდევ ერთი თანამგზავრი ჰქონდა, მაგრამ მთვარეზე უფრო პატარა ზომის, იტყობინება GHN. ამის შესახებ ნათქვამია ჟურნალ Nature-ში გამოქვეყნებულ პუბლიკაციაში. ახალი თეორიის თანახმად, ორივე თანამგზავრი ერთდროულად არსებობდა მილიონობით წლის განმავლობაში, სანამ უფრო პატარა არ დაეჯახა მთვარეს და არ განადგურდა, გადმოსცემს BBC.მეცნიერთა გამოკვლევა, რომელიც კომპიუტერულ მოდელირებას ეფუძნება, ხსნის იმ განსხვავებათა მიზეზს, რომლებიც მთვარის ორი ზედაპირის აგებულებაში შეიმჩნევა. ეს განსხვავებები განპირობებული შეიძლებოდა ყოფილიყო მთვარესთან მეორე თანამგზავრის შეჯახების შედეგებით, მიაჩნიათ მარტინ ჯუტზისა და ერიკ ასპოგს კალიფორნიის უნივერსიტეტიდან ქალაქ სანტა-კრუზში. მიუხედავად იმისა, რომ მთვარე თავისი ღერძის გარშემო ბრუნავს, იგი დედამიწისკენ ყოველთვის ერთი და იგივე მხარით არის მობრუნებული, ვინაიდან დედამიწის გარშემო და საკუთარი ღერძის გარშემო ბუნებრივი თანამგზავრის ბრუნვა სინქრონიზირებულია. ასტრონომები დღემდე კამათობენ მთვარეზე ორი სრულიად სხვადასხვა ტიპის რელიეფის არსებობის მიზეზის შესახებ. თუ ჩვენკენ მობრუნებული ნახევარი დაფარულია ძირითადად მთვარის ზღვებით - გაყინული ლავის გლუვი შრით შევსებული უზარმაზარი კრატერებით, მაშინ უკანა ნახევრის ზედაპირი მთიანი ადგილია. მეცნიერებს მიაჩნიათ, რომ გაუნათებელი მხარის რელიეფი დედამიწის მეორე თანამგზავრის შეჯახების შედეგად იქნა ფორმირებული. ამ თანამგზავრის მასა უნდა ყოფილიყო მთვარის მასის 4%, ხოლო დიამეტრი - 1.2 ათასი კილომეტრი. შეჯახების სიჩქარე კოსმოსური საზომებით დიდი არ ყოფილა - 7.2 ათასიდან 10.8 ათას კილომეტრამდე საათში. ამიტომ მთვარის ზედაპირზე დარჩა არა გინანტური კვალი კრატერის სახით, არამედ მეორე თანამგზავრის ქერქის ფრაგმენტებისაგან შემდგარი რამდენიმე ათეული კილომეტრის სისქის დამატებითი შრე. დარტყმის ძალა საკმარისი იყო იმისათვის, რომ გადაეადგილებინა მთვარის ზედაპირის ქვეშ არსებული ლავის ოკეანე დედამიწისკენ მიმართული ნახევრის მიმართულებით. ამიტომ მასში კონცენტრირებულ იქნა სასარგებლო წიაღისეულის ბუდობები. Source - GHN
Share to:https://www.aspurcela.ge/asp-News_-_file_-_article_-_sid_-_3056.html
| |||
| Posted by Drakula | 04 Aug 2011, 15:26 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.