Translation tool beta version. Translation quality may be not a good
| საზოგადოება: პროფკავშირები: სიცხეში მუშაობა შრომითი კოდექსის დარღვევა არ არის |  | Georgian News | |
 საქართველოს გაერთიანებული პროფკავშირების თავმჯდომარე ირაკლი პეტრიაშვილი აცხადებს, რომ მაღალი ტემპერატურისას მზეში მუშაობა შრომითი კოდექსის დარღვევა არ არის, ვინაიდან საქართველოს შრომითი კოდექსი ამას არ კრძალავს. მისი თქმით, კანონმდებობაში არაფერია ნათქვამი მაღალი ტემპერატურის დროს მუშაობაზე.„მაღალი ტემპერატურის პირობებში მზის ქვეშ მშენებლობაზე მუშაობა კანონის დარღვევა არაა. ჩვენი შრომითი კოდექსი მთლიანობაში არღვევს ადამიანის უფლებებს. იგი XXIსაუკუნის სიმახინჯეა და XVIსაუკუნის ნორმებს შეესაბამება“, - თქვა პეტრიაშვილმა და აღნიშნა, რომ ძლიერ სიცხეში მუშაობა იმდენად საშიშია ადამიანის ჯანმრთელობისათვის, რომ ლეტალური შედეგის გამოწვევა შეუძლია. მისი თქმით, ამ სფეროში დასაქმებულმა ადამიანებმა თავად უნდა თქვან უარი სიცხეში მუშაობაზე და ხელშეკრულებაში მითითებული უნდა იყოს, რომელი ტემპერატურის დროსაა მუშაობა აკრძალული. ამის თაობაზე კოლექტიური მოლაპარაკებები ადგილობრივ პროფკავშირებსა და დამსაქმებლებს შორის უნდა წარმოებდეს. როგორც ირაკლი პეტრიაშვილმა განაცხადა, ჯანდაცვის სამინისტრომ უქმე დღეებად უნდა გამოაცხადოს ის დღეები, როდესაც ჰაერის ტემპერატურა 40 გრადუსამდე თბება. „ეს ცივილიზებული ქვეყნების მიერ აღიარებული ნორმა და სტანდარტია. რამდენადაც საქართველოში ნორმები და სტანდარტები არ არსებობს, მუშებმა და პროფკავშირებმა თავად უნდა დაიწყონ დამსაქმებლებთან კოლექტიური მოლაპარაკებების წარმოება და შრომით ხელშეკრულებაში მათი დამცველი სტატიების ასახვა და გადაჭრან ეს პრობლემა, რომელიც შრომით კოდექსში ასახული არ არის“, - თქვა მან. ამასთან, პროფკავშირელმა ლიდერმა აღნიშნა, რომ ადამიანები ამას სამსახურის დაკარგვის შიშის გამო არ აკეთებენ, ვინაიდან შრომით კოდექსში ადამიანის უფლებების დაცვის გარანტიები პრაქტიკულად არაა. კოდექსი მათ უფლებებს არ იცავს და მათი სამსახურში აღდგება სასამართლო წესით პრაქტიკულად შეუძლებელია. ძლიერი სიცხის გამო, როდესაც ჰაერის ტემპერატურა 40 გრადუსზე მეტს აღწევს, ზოგიერთ სამშენებლო ობიექტზე მუშაობა არ წყდება. Source - Грузия Online
Share to:https://www.aspurcela.ge/asp-News_-_file_-_article_-_sid_-_3019.html
| |||
| Posted by Drakula | 02 Aug 2011, 11:00 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.