Translation tool beta version. Translation quality may be not a good
| პოლიტიკა: ილია II: ჩვენ ყველაფერი უნდა გავაკეთოთ იმისათვის, რომ საქართველოსა და რუსეთის ერებს შორის მეგობრობა აღდგეს |  | Georgian News | |
 საქართველოს კათოლიკოს-პატრიარქმა ილია II-მ მოსკოვისა და სრული რუსეთის პატრიარქთან კირილესთან ერთობლივი წირვა-ლოცვის შემდეგ, რომელიც რუსეთის ნათლობის ზეიმისთვის ჩატარდა, რუსეთსა და საქართველოს შორის ურთიერთობას დაუშვებელი უწოდა, იუწყება “GHN“.საქართველოს კათოლიკოს-პატრიარქმა რუსეთის პატრიარქს კირილეს მოუწოდა დახმარებისკენ ორი ქვეყნის მეგობრობის აღდგენის საკითხში. „ის პოლიტიკური ურთიერთობა, რომელიც რუსეთსა და საქართველოს შორის ჩამოყალიბდა, სრულიად დაუშვებელი ურთიერთობაა. იმიტომ რომ ჩვენ ძმური მართმადიდებელი ერები ვართ და ეს ურთიერთობა ჩვენი მტრების შურით შეიქმნა. ჩვენ ყველაფერი შესაძლებელი უნდა გავაკეთოთ იმისათვის, რომ ჩვენს ერებსა და სახელმწიფოებს შორის მეგობრობა და ძმობა აღდგეს“, - თქვა პატრიარქმა, გადმოსცემს РИА Новости. მან განაცხადა, რომ პატრიარქ კირილეს სიბრძნის იმედი აქვს. „მე დიდი ხანია, მრავალი წელია, გიცნობთ. თქვენ რუსეთისა და საქართველოს ისტორიაში უნდა შეხვიდეთ როგორც მშვიდობისმყოფელი, როგორც ადამიანი, რომელმაც ორ ერს შორის მშვიდობა შექმნა“, - მიაჩნია ილია II-ს. მისი თქმით, წმინდა კიევი-პეჩერის ლავრაში იგი ლოცულობდა იმაზე, „რომ მშვიდობა და კეთილდღეობა მეფობდეს როგორც რუსეთში, ისე საქართველოში“. ილია II-მ აღნიშნა, რომ მის ხელთ არსებული მონაცემებით ეს ქართული პატრიარქის პირველი ვიზიტია კიევში. მან პატრიარქ კირილესა და კიევისა და სრული უკრაინის მიტროპოლიტ ვლადიმირს დაპატიჟებისთვის გულითადი მადლობა გადაუხადა. „მადლობას ვიხდი (მიღების) სითბოსთვის და რუსეთსა და საქართველოს შორის ურთიერთობაში კეთილი ძვრების იმედი მაქვს“, - თქვა მან. „ერებსა და ერთმორწმუნე ქვეყნებს შორის მშვიდობას აღვადგენთ“, - თავის მხრივ თქვა პატრიარქმა კირილემ. Source - GHN
Share to:https://www.aspurcela.ge/asp-News_-_file_-_article_-_sid_-_2981.html
| |||
| Posted by Drakula | 28 Jul 2011, 11:28 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.