Translation tool beta version. Translation quality may be not a good
| საზოგადოება: ნორვეგიაში დაკარგული ქართველის ცხედარი ტბის ფსკერზე აღმოაჩინეს |  | Georgian News | |
 ნორვეგიაში ახალგაზრდულ ბანაკზე თავდასხმისას დაკარგული საქართველოს მოქალაქის თამთა ლიპარტელიანის ცხედარი ტბის ფსკერზე აღმოაჩინეს. ამის შესახებ დღეს, 28 ივლისს, სპეციალურ ბრიფინგზე საქართველოს საგარეო საქმეთა მინისტრის მოადგილემ ნინო კალანდაძემ განაცხადა.„ეს ყოველი ჩვენგანისთვის დიდი ტრაგედიაა და საგარეო საქმეთა სამინისტრო უსამძიმრებს დაღუპულის ოჯახს“, - განაცხადა მან. მისი თქმით, გოგონას ზურგზე ცეცხლსასროლი ჭრილობა აქვს. კალანდაძემ იმედი გამოთქვა, რომ ნორვეგიული მხარე ქართული გოგონას ცხედრის სამშობლოში სწრაფი ჩამოყვანისათვის ყველაფერ გააკეთებს. ბუნებრივია, არსებობს გარკვეული ფორმალობები, რომელთა გავლაა საჭირო, მაგრამ, თავის მხრივ, საქართველოს საგარეო საქმეთა სამინისტრო ცხედრის სამშობლოში ჩამოყვანისათვის ყველა მოქმედებას განნახორციელებს“, - აღნიშნა მან. მინისტრის მოადგილემ განაცხადა, რომ დაღუპულის ოჯახი ნორვეგიის ხელისუფლებებისაგან კომპენსაციას მიიღებს და ცხედრის ჩამოყვანა ასევე ნორვეგიის ხარჯზე განხორციელდება. საჭიროა აღინიშნოს, რომ თამთა ლიპარტელიანის მშობლები გუშინ ოსლოში ჩაფრინდნენ. მათ გადაწყვიტეს, თავად ჩართულიყვნენ შვილის ძებნის პროცესში, რომელიც უკვალოდ გაუჩინარდა ახალგაზრდულ ბანაკში ტერაქტის შემდეგ. იგი ამოცნობილ იქნა წარმოდგენილი თითების ანაბეჭდების საფუძველზე. უნდა აღინიშნოს, რომ უტეიოში ახალგაზრდულ ბანაკზე 32 წლის ტერორისტის ანდერს ბრეივიკის მიერ თავდასხმის დროს იქ საქართველოს ორი მოქალაქე იმყოფებოდა. ნათია ჩხეტიანი ცოცხალი დარჩა. Source - GHN
Share to:https://www.aspurcela.ge/asp-News_-_file_-_article_-_sid_-_2978.html
| |||
| Posted by Drakula | 28 Jul 2011, 10:46 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.