Translation tool beta version. Translation quality may be not a good
| მეცნიერება-ტექნოლოგიები: მეცნიერებმა ადამიანის ტვინის უნიკალური თვისება აღმოაჩინეს |  | World News | |
 წლებთან ერთად ტვინის ზომის შემცირება ადამიანის უნიკალური თვისება აღმოჩნდა, რომელიც სხვა უმაღლესი პრიმატებისთვის დამახასიათებელი არ არის. ასეთ დასკვნამდე მივიდნენ მეცნიერები, რომლებმაც ჟურნალ Proceedings of the National Academy of Sciences-ში სტატია გამოაქვეყნეს. გამოკვლევის მოკლე მიმოხილვა აღწერილია აშშ-ის ეროვნული სამეცნიერო ფონდის პრეს-რელიზში.სიბერეში ადამიანის ტვინის ზომა მნიშვნელოვნად მცირდება - განსაკუთრებით ძლიერ ცვლილებებს ადგილი აქვს დიდი ნახევარსფეროების ქერქში, რომელიც ყველაზე რთული გონებრივი ფუნქციების შესრულებაზეა პასუხისმგებელი. საშუალოდ 80 წლისთვის ადამიანი ტვინის იმ მოცულობის დაახლოებით 15 პროცენტს კარგავს, რომელიც მას ახალგაზრდობაში ჰქონდა. ახალი ნაშრომის ავტორებმა გადაწყვიტეს შემოწმება იმისა, აქვს თუ არა ადგილი მსგავს პროცესს ადამიანის უახლოეს ნათესავებს - შიმპანზეებს შორის. მაგნიტურ-რეზონანსული ტომოგრაფიის ტექნოლოგიის დახმარებით მეცნიერებმა 99 შიმპანზისა და 87 ადამიანის ტვინის აგებულება გამოიკვლიეს. ექსპერიმენტში მონაწილეობდნენ 10-დან 51 წლამდე ასაკის მაიმუნები და 22-დან 88 წლამდე ასაკის ადამიანები - ვინაიდან Homo sapiens-ის სიცოცხლის ხანგრძლივობა შიმპანზეს სიცოცხლის ხანგრძლივობაზე უფრო დიდია, მაიმუნებს შორის ასაკობრივი ცვლილებები (თუ მათ ადგილი აქვს) უნდა იწყებოდეს უფრო ადრე, ვიდრე ადამიანებს შორის. მეცნიერები არა მხოლოდ ტვინის საერთო მოცულობას აანალიზებდნენ, არამედ თეთრი და ნაცრისფერი ნივთიერების რაოდენობასაც ადამიანებისა და შიმპანზეების ტვინის სხვადასხვა რეგიონებში. აღმოჩნდა, რომ ყველაზე მოხუც მაიმუნებს შორისაც კი ყველა ამ პარამეტრის არსებითი ცვლილებები არ მიმდინარეობდა. სპეციალისტებს მიაჩნიათ, რომ ტვინის ზომის შემცირება ადამიანის ერთგვარი საფასურია დღეგრძელობის სანაცვლოდ. რამდენადაც ადამიანებს შთამომავლობის აღსაზრდელად მეტი დრო სჭირდებათ, სიცოცხლის ხანგრძლივობის გაზრდის ევოლუციური აზრი შეიძლება გულისხმობდეს მოხუცთა შენარჩუნებას ახალგაზრდა მშობლების დასახმარებლად. თუმცა ტვინმა ვერ მოასწრო დღეგრძელობისთვის „შეგუება“ იმ 5 მილიონი წლის განმავლობაში, რომლებიც ადამიანისა და შიმპანზეს ევოლუციური ხაზების გაყოფის მომენტიდან გავიდა. Source - day.az
Share to:https://www.aspurcela.ge/asp-News_-_file_-_article_-_sid_-_2974.html
| |||
| Posted by Drakula | 27 Jul 2011, 21:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.