Translation tool beta version. Translation quality may be not a good
| ეკონომიკა: უგულავა: თბილისი რეგიონის ტურისტული ცენტრი იქნება |  | Georgian News | |
 ბოლო ექვსი თვის განმავლობაში თბილისში სერიოზული საავტომობილო საცობები არ წარმოქმნილა. ამის შესახებ დედაქალაქის მერმა გიგი უგულავამ რუსულენოვან ჟურნალ „Business Time Georgia“-სთვის ინტერვიუში განაცხადა.„დარწმუნებით შემიძლია ვთქვა, რომ თბილისში სისტემატიური საცობების პრობლემები არაა. თუ საქართველოს აღმოსავლეთ ევროპის ქვეყნებს შევადარებთ, მაშინ ჩვენს დედაქალაქში ავტომანქანების რაოდენობა ნაკლებია“, - აღნიშნა მერმა. მაგრამ, მისი თქმით, დედაქალაქში მწვავედ დგას პარკირების პრობლემა, ვინაიდან ტრანსპორტის ღამისა და დღის კონცენტრაცია ძალიან არადაბალანსებულია. „დღის განმავლობაში ქალაქის ცენტრში ძალიან ბევრი ავტომობილი გროვდება, ვინაიდან მანდ ოფისების უმრავლესობაა განთავსებული. ამ თვალსაზრისით ბიზნეს-ცენტრების განლაგების დივერსიფიკაცია არის საჭირო, რათა ცენტრალური ქუჩები გათავისუფლდეს“, - განაცხადა უგულავამ. მისი თქმით, გზის ინფრასტრუქტურაზე დადებით გავლენას მოახდენს შემოვლითი რკინიგზის მშენებლობა, რითაც 100 ჰექტარი მიწა გათავისუფლდება. მერის შეფასებით, შუქნიშნების სისტემის ერთიანი მენეჯმენტი 10-20 პროცენტით გააუმჯობესებს საავტომობილო მოძრაობას. „ჩვენ მიწისქვეშა გარაჟების მშენებლობას ვგეგმავთ, ასევე ვაკონტროლებთ მსგავსი ავტოსადგომების არსებობას ახალ მშენებარე შენობებში. ასე რომ, ვიმედოვნებ, რომ სიტუაცია მოცემულ სფეროში გამოსწორდება“, - განაცხადა მერმა. იგი საავადმყოფოების პრივატიზაციის საკითხსაც შეეხო და აღნიშნა, რომ კლინიკების პრივატიზაციისა და რეაბილიტაციის პროგრამა 2 წელიწადში დასრულდება და ყველა ქალაქის საავადმყოფო ევროპული სტანდარტისა იქნება. „რაც ყველაზე მთავარია, ვფიქრობ, რომ თბილისი რეგიონალური ტურისტული და, გარკვეულ წილად, ფინანსური ცენტრი იქნება. რეგიონში ფინანსური თვალსაზრისით, ცხადია, აზერბაიჯანი ლიდერობს. მაგრამ თუ ბაქო გახდება ქალაქი, სადაც მარტივად შეიძლება ფულის გამომუშავება, თბილისში მარტივი იქნება მისი დახარჯვა. ჩვენი დედაქალაქი ძალიან კომფორტული და ინფრასტრუქტურულად გამოსწორებული ქალაქი“, - განაცხადა უგულავამ. Source - bizzone
Share to:https://www.aspurcela.ge/asp-News_-_file_-_article_-_sid_-_2925.html
| |||
| Posted by Drakula | 22 Jul 2011, 19:22 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.