Translation tool beta version. Translation quality may be not a good
| პოლიტიკა: ედუარდ კოკოითი: ცხინვალს საქართველოსთან არავითარი კონფედერაცია და ფედერაცია არ ექნება |  | Georgian News | |
 2004 და 2008 წლებში სამხედრო მარცხების შემდეგ ამჟამინდელი ქართული ხელისუფლებები რევანშისთვის არიან განწყობილები, დარწმუნებულია სამხრეთოსური რეჟიმის ლიდერი ედუარდ კოკოითი, იტყობინება “GHN“.მისი თქმით, თბილისში გაიგეს, რომ სამხედრო თვალსაზრისით უკვე არაფრის შეცვლაა შესაძლებელი, ამიტომ მუშავდება სხვადასხვა გეგმები, რათა სამხრეთ ოსეთი საქართველოს პოლიტიკურ ორბიტაში იქნას შეტყუებული, გადმოსცემს საინფორმაციო სააგენტო „რესი“. საქართველოსთან არავითარი კონფედერაცია და ფედერაცია არ უნდა გვქონდეს. თუ ამას დავუბრუნდებით, ჩვენი მომავალი თაობები ახალი ტანჯვებისა და გამოცდებისთვის იქნებიან განწირულნი. რისი გულისთვის ვიბრძოდით მაშინ და თავისუფლების საკურთხეველზე ამდენი სიცოცხლე განვათავსეთ?“ - თქვა სეპარატისტმა. კოკოითმა აღნიშნა, რომ ეროვნულ-განმათავისუფლებელი მოძრაობის პირველი დღიდან სამხრეთ ოსეთი სწორი გზით მიდიოდა და დიდი წვლილი ამაში ე. წ. პირველი მოწვევის პარლამენტის დეპუტატებმა შეიტანეს. „მათ ჩვენს სახელმწიფოს მკაფიო პოლიტიკურ-სამართლებრივი საფუძველი ჩაუყარეს. ამ ფუნდამენტმა ჩვენ წინაშე მდგარი გლობალური ამოცანების რეალიზაციის შესაძლებლობა მოგვცა. შედეგად მსოფლიოს რუქაზე წარმოიქმნა ახალი ალანო-ოსური სახელმწიფო. ეს ჩვენი უმთავრესი შედეგია“, - განაცხადა მან. სამომავლო ე. წ. საპრეზიდენტო არჩევნების თემაზე საუბრისას კოკოითმა განაცხადა, რომ იგი ხალხისთვის მიცემულ ყველა თავის დაპირებას შეასრულებს, ხოლო კანდიდატებს უსურვა გონივრულად მიუდგნენ წინასაარჩევნო კამპანიას და კეთილსინდისიერად შეასრულან საკუთარ თავზე აღებული ვალდებულებები. „არჩევნები აუცილებლად ჩატარდება მშვიდად, კანონის შესაბამისად. მაგრამ მათ საცნობად, ვინც დღეს ჩვენს საზოგადოებაში განხეთქილებას ჩამოგდებას ცდილობს, ცხოვრება ამაზე არ შეჩერდება. საჭიროა საკუთარი ხალხის პატივისცემა და დაფასება, იმიტომ რომ არჩევნები ტარდება, ხალხი კი რჩება, ხოლო ნეგატივი კი სწორედ მასზე აისახება“, - აღნიშნა მან. Source - GHN
Share to:https://www.aspurcela.ge/asp-News_-_file_-_article_-_sid_-_2875.html
| |||
| Posted by Drakula | 19 Jul 2011, 19:33 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.