Translation tool beta version. Translation quality may be not a good
| კრიმინალი: ფოტოგრაფი გიორგი აბდალაძე 2002 წელს ცხინვალში დაიქირავეს |  | Georgian News | |
 საქართველოს პროკურატურამ დღეს, 18 ივლისს, გაავრცელა საქართველოს სსს-ის ფოტოგრაფის გიორგი აბდალაძის აღიარებითი ჩვენება. ფოტოგრაფმა მოყვა, თუ როგორ დაიქირავეს იგი და როგორ მუშაობდა რუსულ სპეცსამსახურებზე 2002 წლიდან.აბდალაძის თქმით, 2002 წელს იგი გამოცემა „კვირის პალიტრის“ ფოტორეპორტიორად მუშაობდა და ხშირად მგზავრობდა მივლინებებში. ერთ-ერთი ასეთი მივლინება იყო ერგნეთის ბაზარში, სადაც მას კოტრაბანდის შესახებ რეპორტაჟი უნდა გაკეთებინა. იგი მძღოლთან ერთად იყო. ერგნეთის ზონაში შესვლისას ისინი ცხინვალის სპეცსამსახურებმა დააკავეს და ცხინვალის სუკ-ში გადაიყვანეს. აბდალაძის თქმით, მათ 3-4 ადამიანი სცემდა, ზოგჯერ კი მეტიც. გაჩხრეკისას მას საპრეზიდენტო პრეს-სამსახურის აკრედიტაცია და ჩართული დიქტოფონი აღმოუჩინეს, რომელზედაც იგი იწერდა მთელ პროცესს დაკავების მომენტიდან. აბდალაძის თქმით, ამ ფაქტმა კიდევ უფრო გააბრაზა ისინი და მათ დაკავებულთა უფრო ძლიერი ცემა დაიწყეს. ეს დაახლოებით 1.5 დღე გრძელდებოდა, რის შემდეგაც მას მოუტანეს დოკუმენტი, რომელიც აბდალაძეს უნდა მოეწერა. ფოტოგრაფს უთხრეს, რომ ეს დაკითხვის აქტი იყო, რომელშიც იგი შპიონაჟსა და დივერსიული აქტების განხორციელების განზრახვებს აღიარებდა. აბდალაძის თქმით, მან უარი თქვა, რის მერეც მათ კვლავ მისი ცემა დაიწყეს. შემდეგ მან ხელი მოაწერა დოკუმენტს, ამის მერე კი მის მიმართ ძალადობა შეწყდა. აბდალაძე ყვება, რომ იგი შემდეგ ცხინვალის ციხეში გადაიყვანეს. გამთენიისას სხვა შენობაში წაიყვანეს, შეიყვანეს ოთახში, სადაც ორი რუსი სამხედრო პირი იჯდა. ისინი მას კულტურულად ექცეოდნენ. რუსმა სამხედროებმა აბდალაძეს განუცხადეს, რომ მის წინააღმდეგ წაყენებულია მძიმე ბრალდება, რაც 9 წლის ვადით თავისუფლების აღკვეთას ითვალისწინებს. შემდეგ მაგიდაზე დაუდეს მისი ძმებისა და დედის ფოტოსურათები და განაცხადეს, რომ თუ უარს იტყოდა თანამშრომლობაზე, ისინი მათ მოკლავდნენ, ხოლო თუ დათანხმდებოდა - მაღალ ანაზღაურებას მიიღებდა. აბდალაძემ განაცხადა, რომ დათანხმდა, რის შემდეგაც მას მოუტანეს ფურცელი, რომელსაც მან წაუკითხავად მოაწერა ხელი. ამის მერე ფოტოგრაფი გაათავისუფლეს და ერგნეთამდე მიიყვანეს. Source - Грузия Online
Share to:https://www.aspurcela.ge/asp-News_-_file_-_article_-_sid_-_2869.html
| |||
| Posted by Drakula | 18 Jul 2011, 19:45 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.25 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.