Translation tool beta version. Translation quality may be not a good
| ეკონომიკა: ქართველები და ბელარუსები ეროვნულ ვალუტას არ ენდობიან |  | Business & Economics | |
 ყოფილი საბჭოთა კავშირის ქვეყნების მოსახლეობის დიდი ნაწილი უპირატესობას ანიჭებს, საკუთარი დანაზოგები ეროვნულ ვალუტაში შეინახოს. ყოველ შემთხვევაში, ამას მოწმობს კვლევით ცენტრ Gallup-ის ბოლო გამოკვლევა.ამასთან, მოხსენების თანახმად, ეროვნული ვალუტის მიმართ ნდობის მხრივ სომხეთის მოქალაქეები პოსტსაბჭოთა სივრცეში მეორე ადგილს იკავებენ: დაახლოებით 63% თავის დანაზოგებს ეროვნულ ვალუტაში - სომხურ დრამებში ინახავს. ამ ჩამონათვალში პირველ ადგილზე იმყოფება აზერბაიჯანი, სადაც ეროვნულ ვალუტას - მანათს - მოსახლეობის 75% ანიჭებს უპირატესობას. მესამე ადგილს იკავებს რუსეთი, სადაც რუბლის სტაბილურობაში მოსახლეობის ნახევარზე მეტი - 56% დარწმუნებულია. Gallup-ის თანახმად, ყველაზე ნაკლებს ეროვნულ ვალუტას ბელარუსები ენდობიან. მოხსენების თანახმად იქ მოსახლეობის მხოლოდ 22% ან მხოლოდ ყოველი მეხუთე ინახავს თავის დანაზოგებს ბელორუსულ რუბლში, რაც, ექსპერტთა აზრით, განპირობებულია ამ ვალუტის გაუფასურებით, რომელიც წინა წლიდან დაიწყო. ეროვნული ვალუტის მიმართ ნდობის დეფიციტის თვალსაზრისით მეორე ადგილზე ქართული ლარია. საქართველოში ეროვნულ ვალუტაში დანაზოგებს მოსახლეობის მხოლოდ 28% ინახავს, რაც სომხეთში დაფიქსირებულ მაჩვენებელზე თითქმის ორჯერ ნაკლებია. გამოკვლევის მსვლელობაში Gallup-მა ასევე გაარკვია ყოფილი საბჭოთა კავშირის ქვეყნების მოსახლეობის დამოკიდებულება უცხოური ვალუტის მიმართ. გამოკითხვების თანახმად, ამ რეგიონში ლიდერი კვლავ ამერიკული დოლარი რჩება, რომელსაც თითქმის სამჯერ მეტი ადამიანი ენდობა, ვიდრე ერთიან ევროპულ ვალუტას - ევროს. ამ მაჩვენებლის მიხედვით პირველ ადგილზეა ტაჯიკეთი, სადაც დოლარებში დანაზოგებს მოსახლეობის ნახევარზე მეტი - 51% ინახავს, მაშინ როცა ევროს მოსახლეობის მხოლოდ 4% ენდობა. თითქმის იგივე სურათია დსთ-ის სხვა აზიურ ქვეყნებშიც. სომხეთში დოლარის მიმართ ნდობას ასევე მრავალი ადამიანი გამოთქვამს, კერძოდ, მოსახლეობის 17%, მაშინ როცა ევროს 9% ენდობა. Gallup-ის გამოკითხვების თანახმად, უკიდურესად დაბალია რუსული რუბლის რეიტინგი: დამატებით ფულის არსებობისა და მისი შენახვის შემთხვევაში მას უპირატესობას ანიჭებენ მხოლოდ ტაჯიკეთში, ბელარუსში, ყირგიზეთსა და სომხეთში, თუმცა, ამასთან მოსახლეობის მხოლოდ 1%. Gallup-მა აღნიშნული გამოკვლევა 2010 წელს დაახლოებით 3 000 რესპონდენტს შორის ჩაატარა. Source - bizzone
Share to:https://www.aspurcela.ge/asp-News_-_file_-_article_-_sid_-_2863.html
| |||
| Posted by Drakula | 18 Jul 2011, 19:40 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.27 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.