Translation tool beta version. Translation quality may be not a good
| ეკონომიკა: ქართველ დამსვენებელთა მხოლოდ 10% მიმართავს ტურ-სააგენტოებს |  | Business & Economics | |
 ქართველ დამსვენებელთა უმრავლესობა დასასვენებლად პრაქტიკულად დაუგეგმავად მიდის. ეს, განსაკუთრებით, ეხება ზღვის კურორტებს, სადაც ტურისტები განთავსების ადგილის ძიებას ავტობუსის ან რკინიგზის სადგურიდან იწყებენ. ამასთან, სპეციალისტთა თქმით, სააგენტოებთან მიმართვა დაუზოგავდა მომხმარებელს არა მხოლოდ დროს, არამედ ფინანსებსაც. ამიტომ კურორტზე მგზავრობამდე დამსვენებლებს ურჩევენ ტურისტულ სააგენტოებთან მიმართვას იმ შემთხვევაშიც კი, როდესაც ისინი განთავსებას არა სასტუმროში, არამედ კერძო სახლში აპირებენ.აჭარის ტურიზმის დეპარტამენტის ხელმძღვანელის ვაჟა დიასამიძის განცხადებით, ქართველი დამსვენებლის ეს თვისება ორი მიმართულებით წარმოშობს პრობლემებს: ჯერ ერთი, სასტუმროებს არ შეუძლიათ დატვირთულობის წინასწარ დაგეგმვა და, შესაბამისად, ფასების დადგენა. ამას გარდა, ეს ხელს უშლის შიდა ტურიზმზე მომუშავე სააგენტოებს, რომლებმაც სასტუმროებთან ერთად მოქნილი პირობები უნდა ჩამოაყალიბონ. „ამ შემთხვევაში ფასები უფრო ხელმისაწვდომი გახდება და სასტუმროებიც, სააგენტოებიცა და დამსვენებლების მოგებულნი დარჩებიან“, - აცხადებს დიასამიძე. ბაზარი შიდა ტურიზმზე მომუშავე სააგენტოების ნაკლებრიცხოვნობას არ უჩივის. აჭარაში მდებარე ტურისტული სააგენტო „შავი ზღვის სამყარო“ მომხმარებელს სასტუმროებისა და კერძო ბინების ფართო არჩევანს, ამასთან კლიენტისათვის აბსოლუტურად უფასო მომსახურებას სთავაზობს. სააგენტოს დირექტორის რატი მეგრელიძის თქმით, მიუხედავად ასეთი მომსახურებისა, ქართველ მომხმარებელთა მხოლოდ 10% სარგებლობს სააგენტოს დახმარებით. „ჩვენ უკეთესი არჩევანი გვაქვს, უკეთ ვიცნობთ ბაზარს, შეგვიძლია რჩევებიც მიცემა და კლიენტის ნებისმიერი მოთხოვნისა და სურვილის გათვალისწინება, მაგრამ ქართველი დამსვენებელი ამჯობინებს თავად მონახოს ბინა და ამ მიზეზით ხშირად ხათაბალაში ვარდება. ცნობილია, რომ სისწრაფეში დაღლილი ადამიანი ყველა ნიუანსს არ ითვალისწინებს და მხოლოდ მერე აღმოაჩენს ხოლმე, რომ მისი ბინის კომფორტი მის მოთხოვნებსა და ფასს არ შეესაბამება. ამიტომ ვურჩევ დამსვენებლებს ტურისტული სააგენტოების მომსახურებით ისარგებლონ. ეს მომსახურება მათი მხრიდან რაიმე ხარჯებთან დაკავშირებული არ არის, სამაგიეროდ ენერგიისა და დროის ზედმეტი ხარჯვის გარეშე ისინი სასურველ ბინასა ან სასტუმროში მოწყობას შეძლებენ“, - ამბობს რატი მეგრელიძე. Source - bizzone
Share to:https://www.aspurcela.ge/asp-News_-_file_-_article_-_sid_-_2843.html
| |||
| Posted by Drakula | 16 Jul 2011, 10:00 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.