Translation tool beta version. Translation quality may be not a good
| მეცნიერება-ტექნოლოგიები: ნეპტუნმა თავისი პირველი დაბადების დღე აღნიშნა |  | World News | |
 2011 წლის 12 ივლისს პლანეტა ნეპტუნმა თავისი პირველი დაბადების დღე გადაიხადა. საქმე ისაა, რომ ამ დღეს მას ერთი ნეპტუნური წელი (164.79 დედამიწის წელი) შეუსრულდა. ნეპტუნი 1846 წლის 23 სექტემბერს აღმოაჩინეს.ნეპტუნი ჩვენი მზის სისტემის ყველაზე განაპირა მხარეს მდებარეობს (მანძილი დაახლოებით 4.4 მლრდ კილომეტრს შეადგენს). ამ პლანეტის მასა დედამიწისაზე 17.2-ჯერ, ხოლო ეკვატორის დიამეტრი - 3.9-ჯერ უფრო დიდია. ნეპტუნს ეს სახელი რომაელი ზღვის ღმერთის პატივსაცემად დაერქვა. შეგახსენებთ, რომ ნეპტუნის, მერვე პლანეტის, ძიება 1781 წელს ურანის აღმოჩენის მომენტიდან დაიწყო. მაშინ მეცნიერები ვერაფრით ხსნიდნენ ურანის ორბიტის უცნაურობებს. არსებობდა ორი ჰიპეთეზა, რომელთაგან პირველის თანახმად ვარაუდობდნენ, რომ, შესაძლოა, ნიუტონის კანონები მთლად ჭეშმარიტი არაა, ხოლო მეორის თანახმად, პლანეტა ურანი გადაიხრება გამოთვლილი ორბიტიდან იმის გამო, რომ მასზე სხვა ციური სხეული ზემოქმედებს. პირველად ნეპტუნს ჯერ კიდევ გალილეო გალილეი აკვირდებოდა, თუმცა მაშინ მან იგი უმოძრაო ვარსკვლავად მიიჩნია. შემდგომში პარიზის ობსერვატორიის დირექტორი ურბენ ლევერიე დაკავდა სხვა ასტრონომების ნაშრომების შესწავლით და მისი გამოკვლევების შედეგებით ნეპტუნი ბერლინის ობსერვატორიის ასტრონომმა იოჰან გალემ აღმოაჩინა. საჭიროა აღინიშნოს, რომ ამჟამადაც ასტრონებმა ნეპტუნის შესახებ ცოტა რამ იციან. ექსპერტებს მიაჩნიათ, რომ ეს უკავშირდება იმას, რომ ასტრონომიის კოსმოსური ერის, ასევე ტელესკოპ „ჰაბლის“ გაშვების დაწყებამდე მოცემული პლანეტის დაკვირვება დედამიწიდან ძალიან რთული იყო. ახლოდან ნეპტუნს სურათი მხოლოდ ერთხელ გადაუღეს (ზონდმა „ვოიაჯერ-2“ 1989 წელს), ხოლო ამ პლანეტაზე წელიწადის დიდი ხანგრძლივობის გათვალისწინებით, მკვლევარები ჯერჯერობით მხოლოდ ნეპტუნის გაზაფხულსა და ადრეულ ზაფხულს აკვირდებოდნენ. მეცნიერთა მონაცემებით, ახლა ნეპტუნი სულ სხვანაირად გამოიყურება, ვიდრე „ვოიაჯერ-2“-საგან მიღებულ ფოტოსურათებზე. როგორც BBCიტყობინება, ახლა მეცნიერებმა იციან, რომ ნეპტუნის ატმოსფეროს ზედა შრეებში ქარის სიჩქარე შეიძლება 1930 კმ/სთ-ს აღწევდეს უზარმაზარი გრიგალების ეპიცენტრებში. გარეგნულად მოცემული ეპიცენტრები იუპიტერზე მდებარე წითელ ლაქას წააგავს. ასევე ზოგიერთ ასტრონომს მიაჩნია, რომ ამ პლანეტაზე გრიგალები ბევრად უფრო სწრაფად წარმოიქმნება და ვითარდება, ვიდრე ადრე იყო მიჩნეული. შეგახსენებთ, რომ 2016 წელს ნეპტუნის ორბიტაზე უნდა გასულიყო ზონდი Neptune Orbiter, თუმცა სახსრების უკმარისობის გამო NASA-საღნიშნული ექსპედიცია გაუქმდა. Source - http://www.km.ru/
Share to:https://www.aspurcela.ge/asp-News_-_file_-_article_-_sid_-_2830.html
| |||
| Posted by Drakula | 13 Jul 2011, 20:31 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 1  |
|
 |
|
 |
[ Page Generation: 0.22 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.