Translation tool beta version. Translation quality may be not a good
| მეცნიერება-ტექნოლოგიები: ესპანეთში მსოფლიოში ფეხების პირველი გადანერგვა განახორციელეს |  | World News | |
 ესპანელმა ქირურგებმა მსოფლიოში პირველად ჩაუტარეს პაციენტს ორივე ფეხის ტრანსპლატაცია. ოპერაცია, რომელიც 10 საათზე მეტხანს გრძელდებოდა, ვალენსიის ჰოსპიტალ ლა ფეში ორშაბათს ღამით ჩატარდა, წერს El Mundo.სპეციალისტთა ჯგუფს, რომელმაც უჩვეულო ქირურგიული ჩარევა განახორციელა, ხელმძღვანელობდა ცნობილი ესპანელი ტრანსპლანტოლოგი პედრო კავადასი. კავადოსის გუნდის მიერ განხორციელებულ გადანერგვების რიცხვში შესულია სახის გადანერგვის წარმატებული ოპერაცია, რომელიც ქვედა ყბისა და ენის გადანერგვას ითვალისწინებდა, ასევე ორივე წინამხრის გადანერგვა, რომელიც ესპანეთში პირველად განხორციელდა. ფეხების ტრანსპლანტაციისთვის მზადება ხანგრძლივი დროის განმავლობაში წარმოებდა. მსოფლიო ტრანსპლანტოლოგიური ასოციაციის მხრიდან ოპერაციის განხორციელების თანხმობა ქირურგებმა ჯერ კიდევ წინა წლის ბოლოს მიიღეს. ასეთი ჩარევისთვის ტექნიკური შეზღუდვები არ არსებობდა, თუმაც მისი მიზანშეწონილობა საეჭვო იყო, ვინაიდან უმრავლეს შემთხვევაში ბევრად უფრო მარტივი და უსაფრთხოა დაკარგული ქვედა კიდურების თანამედროვე პროტეზით შეცვლა. ესპანელი ექიმების პაციენტი გახდა მამაკაცი, რომელმაც ტრავმის შედეგად ორივე ფეხი დაკარგა და მისთვის ფუნქციური პროტეზის პოვნა შეუძლებელი იყო. ამგვარად, დონორული კიდურების გადანერგვა პაციენტისთვის მოძრაობის უნარის დაბრუნების ერთადერთი ხერხი გახდა. პედრო კავადოსის თქმით, ტრანსპლანტაციამ გართულებების გარეშე ჩაიარა, თუმცა ოპერაციის წარმატების შესახებ ამჟამად ადრეა. უახლოესი კვირების განმავლობაში დადგინდება, შეძლებენ თუ არა ექიმები შეუთვისებლობის რეაქციის თავიდან არიდებას. ამას გარდა, მამაკაცს რეაბილიტაციის ხანგრძლივი კურსი ელის - მნიშვნელოვნად უფრო ხანგრძლივი, ვიდრე ხელების ტრანსპლანტაციის შემდეგ ავადმყოფთა შემთხვევაში. ტრანსპლანტატების ზომის გათვალისწინებით, მათი ინერვაციის სრულ აღდგენას რამდენიმე თვე დასჭირდება. კიდევ უფრო მეტი დრო დასჭირდება განანერგილი ფეხების საყრდენი ფუნქციის აღდგენას. Source - day.az
Share to:https://www.aspurcela.ge/asp-News_-_file_-_article_-_sid_-_2823.html
| |||
| Posted by Drakula | 13 Jul 2011, 20:20 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.