Translation tool beta version. Translation quality may be not a good
| პოლიტიკა: გადაწყვეტილებამ იმაზე, რომ საქართველო ნატოს წევრი იქნება სააკაშვილის ფსიქიკაზე იმოქმედა |  | Georgian News | |
 ბუქარესტში მიღებულმა უაპელაციო გადაწყვეტილებამ იმაზე, რომ საქართველო ალიანსის წევრი იქნება, მიხეილ სააკაშვილის ფსიქიკაზე იმოქმედა, დარწმუნებულია რუსეთის საგარეო საქმეთა სამინისტროს უფროსი სერგეი ლავროვი, იუწყება “GHN“.„რუსული გაზეთის“ შეკითხვაზე ბათუმის ნავსადგურში ამერიკული რაკეტსაწინააღმდეგო კრეისერ „მონტერეის“ შესვლის შესახებ პასუხის გაცემისას ლავროვმა მიუთითა, რომ ამას პროვოკაციად მიიჩნევს. „დაგეთანხმებით იმაზე, რომ საუბარია პროვოკაციაზე. გასაგებია, რომ ამერიკელები დაპატიჟებულნი იყვნენ სამხედრო-საზღვაო სწავლებებში - „სიბრისში“ მონაწილებისათვის. კიდევ რაღაც სწავლებები უკვე საქართველოს ნაპირებთან ტარდებოდა. თუ ყველაფერი მონტრეს კონვენციის მკაცრი დაცვისას ხდება, რომელიც შავ ზღვაში უცხოური სამხედრო-საზღვაო ფლოტების ყოფნას ზღუდავს, მაშინ ამას რაიმე შეკითხვების გამოწვევა არ შეუძლია. მაგრამ როდესაც ვარიანტების დიდი რაოდენობიდან, რომლებიც ამერიკელებს ასეთ სწავლებებში ხმელთაშუა ზღვაში მყოფი ნებისმიერი თავისი სამხედრო-საზღვაო გემის ხარჯზე მონაწილეობის უზრუნველყოფის საშუალებას აძლევს, ამოირჩევა სწორედ რაკეტსაწინააღმდეგო აღჭურვილობით - სისტემა „იჯისით“ მოწყობილი კრეისერი „მონტერესი“, რომელიც უკვე დაგეგმილია ამერიკული რაკეტსაწინააღდეგო თავდაცვის სამხედრო-საზღვაო კომპონენტში ჩასართველად, რასაკვირველია, ამან არ შეიძლება არ გამოიწვიოს შეკითხვები“, - თქვა ლავროვმა. მან მიუთითა, რომ შეკითხვებს იწვევს ის, რომ „მონტერეი“ საქართველოს ტერიტორიულ წყლებში სწავლებებში მონაწილეობდა. „მითუმეტეს, „მონტერეი“ საქართველოს ტერიტორიულ წლებში სწავლებებში მონაწილეობდა. ჩვენ კი ყველამ ვიცით, როგორ იმოქმედა მ. სააკაშვილის ფსიქიკაზე ნატოში მ. სააკაშვილის ჩათრევის შეუკავებელმა მისწრაფებამ, ბუქარესტში მიღებულმა უაპელაციო გადაწყვეტილებამ იმაზე, რომ საქართველო ალიანსის წევრი იქნება. დარწმუნებული ვარ, ყველა ხვდება, როგორი საზიანო როლი ითამაშა ამან მის მიერ სამხრეთ ოსეთზე თავდასხმის ავანტიურული გადაწყვეტილების მიღებისას“, - აღნიშნა რუსეთის საგარეო პოლიტიკური უწყების უფროსმა. Source - GHN
Share to:https://www.aspurcela.ge/asp-News_-_file_-_article_-_sid_-_2802.html
| |||
| Posted by Drakula | 11 Jul 2011, 20:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.