Translation tool beta version. Translation quality may be not a good
| მეცნიერება-ტექნოლოგიები: გერმანიის ულტრათანამედროვე სადაზვერვო ცენტრის ნახაზები გაიტაცეს |  | World News | |
 გერმანიის ფედარაციულ რესპუბლიკაში მკაცრად დაცული ტერიტორიიდან გერმანიის ფედერალური სადაზვერვო სამსახურის (BND) ახალი ულტრათანამედროვე სადაზვერვო ცენტრის რამდენიმე საიდუმლო ნახაზი გაუჩნარდა. ამის შესახებ იტყობინება FOCUS.გამოცემის მონაცემებით, საუბარია ტექნიკური და ლოჯისტიკური ცენტრების ვრცელ ნახაზებზე, რომლებზეც, სხვათა გარდა, აღნიშნულია ავარიული გასასვლელები, დამცავი სიგნალიზაციისა და საკაბელო შახტების ადგილმდებარეობები, გადაფარვებისა და კარებების სისქე. როგორც გერმანული სადაზვერვო სამსახურის ერთ-ერთმა წარმომადგენელმა აღნიშნა, მიტანილი მატერიალური ზარალი უზარმაზარია. გარდა ამისა, მომხდარი მძიმე დარტყმა გახდა BND-ის რეპუტაციისათვის: გერმანულ დაზვერვასთან თანამშრომლობაში მყოფი უცხოური სპეცსამსახურები უკვე ვეღარ იქნებიან დარწმუნებულები იმაში, რომ საიდუმლო დოკუმენტაცია ჯეროვნად არის დაცული. თუ კერძოდ როგორ მოხდა ქურდობა, უცნობი რჩება. BND-ში რაიმე კომენტარზე უარს ამბობენ. ამასთან, როგორც FOCUS-მა შეძლო გარკვევა, ნახაზები დაახლოებით ერთი წლის წინ გაიტაცეს. გამოცემა საუბრობს აღმაშფოთებელ შეცდომებზე საიდუმლო დოკუმენტაციასთან მოპყრობის პროცესში. ბერლინში BND-ის ახალი სადაზვერვო ცენტრის ნახაზები ერთ-ერთმა არქიტექტურულმა ბიურომ შეიმუშავა და მშენებლობისა და ტერიტორიული დაგეგმვის ფედერალური სამსახურის მეშვეობით ისინი სამშენებლო მენარდეებს გადასცეს. ამასთან, სამშენებლო კომპანიებისაგან სამუშაოების დასრულების შემდეგ საიდუმლო დოკუმენტების განადგურება არავის მოუთხოვია. გაჟონვა, სავარაუდოდ, ერთ-ერთი მენარდე კომპანიის საშუალებით მოხდა. მისმა დირექტორმა, რომლის სახელიც გატაცებულ დოკუმენტებზე ფიგურირებს, აღნიშნა, რომ „არ გამორიცხავს კრიმინალურ სარჩულს“. ამასთან, მან ხაზი გაუსვა, რომ კომპანიის განკარგულებაში მყოფი ყველა დოკუმენტი ან განადგურდა, ან უკან BND-ში გადაიცა. BND-ის ახალი ულტრათანამედროვე ცენტრის მშენებლობა, რომელიც ხაზინას 1.6 მლრდ ევრო დაუჯდა, შარშან მარტში დასრულდა. ამჟამად გრძელდება სათავსების გაწყობის სამუშაოები. შენობების კომპლექსი აღმოსავლეთ ბერლინში „მსოფლიოს ახალგაზრდობის სტადიონის“ ტერიტორიაზე მდებარეობს, სადაც გერმანიის დემოკრატიული რესპუბლიკის დროს ეროვნული საფეხბურთო პირველობის ფინალური მატჩები ტარდებოდა. კომპლექსის საერთო ფართობი 10 ჰექტარს შეადგენს, სამუშაო სათავსების ფართობი კი - 260 ათას კვადრატულ მეტრს. Source - day.az
Share to:https://www.aspurcela.ge/asp-News_-_file_-_article_-_sid_-_2799.html
| |||
| Posted by Drakula | 11 Jul 2011, 20:31 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.24 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.