Translation tool beta version. Translation quality may be not a good
| საზოგადოება: ევროპულმა ფოტოსააგენტომ საიტიდან საქართველოსთან დაკავშირებული ყველა ფოტოსურათი წაშალა |  | Georgian News | |
 ევროპულმა ფოტოსააგენტომ საქართველოსთან დაკავშირებული ყველა ფოტოსურათი წაშალა. ფოტოსურათების გაუჩინარება გუშინ საღამოს იქნა შემჩნეული. მანამდე საიტზე საქართველოს თემაზე 1000-ზე მეტი ფოტოსურათი იყო განთავსებული, მათ შორის საქართველოს პრეზიდენტ მიხეილ სააკაშვილის ფოტოსურათებიც.შეგახსენებთ, რომ საქართველოში დაკავებული ერთ-ერთი ფოტორეპორტიორი ზურაბ ქურციკიძე EPA-ს თანამშრომელი გახლდათ და საანგენტოს საიტზე ათავსებდა პრეზიდენტის ფოტოსურათებს, რომლებიც პრეზიდენტის პრეს-სამსახურის ფოტოგრაფის ირაკლი გედენიძის მიერ იყო მოწოდებული. გედენიძე და ქურციკიძე გუშინ ქართველმა სამართალდამცავებმა დააკავეს კონფიდენციალური ინფორმაციის გადაცემის ბრალდებით ორგანიზაციისთვის, რომელიც იდენტიფიცირდება როგორც ჯაშუშური ქსელი. ამის შესახებ განაცხადა საქართველოს პრეზიდენტის პრეს-სპიკერმა მანანა მანჯგალაძემ. EPA-ს საიტზე გამოქვეყნებულ ბოლო ფოტოსურათებზე მიხეილ სააკაშვილი გადაღებული იყო შერონ სტოუნთან ერთად, რომელიც საქართველოს ჰოლივუდის რეჟისორის რენი ჰარლინის ფილმ „აგვისტოს 5 დღის“ პრემიერაზე იყო ჩამოსული. ფოტოსურათები ირაკლი გედენიძემ გადაიღო. თავად ქურციკიძის მიერ გადაღებულ ფოტოსურათებზე დაფიქსირებული იყო 21 მაისისა და 26 მაისის ღამის მიტინგის კადრები. ქართული სააგენტო „IPN“ დაუკავშირდა EPA-ს განმარტებებისთვის, თუმცა მანდ უარი თქვეს კომენტარის გაკეთებაზე, მოითხოვეს შეკითხვების გამოგზავნა ელექტრონული ფოსტით და დაპირდნენ მათზე პასუხის გაცემას მაშინვე, როგორც კი ამის შესაძლებლობა იქნება. Source - Грузия Online
Share to:https://www.aspurcela.ge/asp-News_-_file_-_article_-_sid_-_2788.html
| |||
| Posted by Drakula | 09 Jul 2011, 12:17 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.