Translation tool beta version. Translation quality may be not a good
| კრიმინალი: ფოტორეპორტიორები კონფიდენციალური ინფორმაციის გაჟონვისთვის არიან დაკავებულები |  | Georgian News | |
 პრეს-სპიკერმა მანანა მანჯგალაძემ გუშინ, 7 ივლისს, ქართველი სამართალდამცავების მიერ განხორციელებულ დაკავებასთან დაკავშირებით კომენტარი გააკეთა.„ამ საკმაოდ მგრძნობიარე საქმეზე დეტალურად საუბარი არ შემიძლია, მაგრამ არის ერთი საკითხი, რომელიც უნდა გაირკვეს: საქმე ეხება ჩვენი ინსტიტუციებიდან ინფორმაციის სერიოზულ გაჟონვას. აქ საუბარი არაა ჟურნალისტიკაზე ან მედია-საქმიანობაზე. ხაზგასმული იყო, რომ დაკავებულები არიან ფოტოგრაფები, მაგრამ გუშინ მათთვის არ წაუყენებიათ ბრალდებები მათ მიერ ფოტოგრაფის საქმიანობის შესრულებისთვის. მათ ბრალდებები წაუყენეს კონფიდენციალური ინფორმაციის გადაცემისთვის. კერძოდ, იმისთვის, რომ მათ წერილობითი დოკუმენტაცია ან კონფიდენციალური ღონისძიებების განრიგი გადასცეს ისეთ ორგანიზაციას, რომელიც იდენტიფიცირებულია როგორც ჯაშუშური ქსელი. მე მხოლოდ ბრალდებაზე ვსაუბრობ და, ბუნებრივია, საბოლოო გადაწყვეტილებას სასამართლო მიიღებს. ორი მათგანი სახელმწიფო მსახურები იყვნენ, ერთს კი პრეზიდენტთან ახლო ურთიერთობა ჰქონდა. მათ, ფოტოგრაფით ყოფნის გარდა, ნებისმიერი სხვა თანამდებობის დაკავება შეეძლოთ და მოცემულ შემთხვევაში საქმეს იგივე კვალიფიკაცია მიენიჭებოდა. ვერ ვიხსენებ საქართველოში ვერც ერთ ჟურნალისტს - ვერც მომხრეს, ვერც ხელისუფლების მიმართ ოპოზიციურად განწყობილს, რომლისთვისაც ოდესმე წაეყენებინათ ბრალდება ჯაშუშობაში. დაკავებულები აბსოლუტურად არ იყვნენ ცნობილები თავიანთი პოლიტიკური შეხედულებებით და აღშფოთებას იწვევს ის ფაქტი, რომ მათ დაკავებას მასმედიის თავისუფლების საკითხთან აიგივებენ“, - განაცხადა მანჯგალაძემ. შეგახსენებთ, რომ საქართველოს შსს-ის კონტრდაზვერვის დეპარტამენტმა გუშინ დაიკავა ზურაბ ქურციკიძე (საქართველოში ევროპული ფოტოსააგენტოს წარმომადგენელი), ირაკლი გედენიძე (პრეზიდენტის ადმინისტრაციის პრეს-სამსახურის ფოტოგრაფი), მისი მეუღლე ნათია გედენიძე და გიორგი აბდალაძე (საქართველოს საგარეო საქმეთა მინისტრის ფოტოგრაფი). მათ ბრალი ედებათ სხვადასხვა სახის ინფორმაციის მიწოდებებში ერთ-ერთ ქვეყნის სპეცსამსახურის საფარქვეშ მოქმედი ორგანიზაციისთვის, საქართველოს ინტერესების საზიანოდ, მათი თანამდებობრივი მდგომარეობის გამოყენებით. Source - Грузия Online
Share to:https://www.aspurcela.ge/asp-News_-_file_-_article_-_sid_-_2783.html
| |||
| Posted by Drakula | 08 Jul 2011, 09:30 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.24 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.