Translation tool beta version. Translation quality may be not a good
| საზოგადოება: გაერო: მსოფლიოში დაახლოებით 600 მლნ ქალი სამსახურში სამართლებრივი დაცვის გარეშე აღმოჩნდა |  | World News | |
 მსოფლიოში დაახლოებით 600 მლნ მომუშავე ქალი აღმოჩნდა სახიფათო სამუშაო პირობებში სამართლებრივი დაცვის გარეშე. ამის შესახებ ნათქვამია ახალი სააგენტო „გაეროს ქალბატონების“ პირველ მოხსენებაში, წერს გაზეთი The Guardian.სააგენტოს მონაცემებით, დაახლოებით ამდენივეს ოჯახში ძალადობისაგან ელემენტარული დაცვაც კი არა აქვს, მაშინ, როცა სექსუალური ძალადობა თანამედროვე კონფლიქტების განმასხვავებები თვისება გახდა. როგორც „გაეროს ქალბატონების“ აღმასრულებელმა დირექტორმა მიშელ ბაჩელეტემა თქვა, მოხსენებამ აჩვენა, რომ მრავალ მილიონ ქალს მართლმსაჯულებისადმი წვდომა არა აქვს. „თანასწორობის ფართო გარანტიების მიუხედავად, მრავალი მილიონი ქალისთვის რეალობა იმაშია, რომ მართლმსაჯულება მიუწვდომელია“, - განაცხადა მან. როგორც მდიდარ, ისე ღარიბ ქვეყნებში მილიონი ქალისთვის სამართლიანობის პოვნა სირთულეებს უკავშირდება და ხშირად ძვირი ღირს, კანონები და სამართლებრივი სისტემები ხშირად მათ დისკრიმანაციას ახდენს. მაგალითად, კამბოჯაში გაუპატიურების ბრალდების შემთხვევაში სასამართლო ტესტისთვის საჭიროა თანხის გადახდა, რომელიც ორი კვირის საშუალო ხელფასს უდრის. მოხსენების 10 რეკომენდაციიდან ერთ-ერთი გახლავთ მხარდაჭერის გაწევა იურიდიული ქალთა ორგანიზაციებისათვის. სხვა რეკომენდაციები ითვალისწინებს შემდგომ სამართლებრივ რეფორმებს ანაზღაურებადი დეკრეტული შვებულების უზრუნველყოფისთვის, შრომის თანასწორ ანაზღაურებასა და საკუთრების თანასწორ უფლებებს, ისეთ დანაშაულებთან ბრძოლის ერთიანი სამსახურის განვითარების მხარდაჭერას, როგორიცაა გაუპატიურება, და პოლიციის სამსახურში ქალთა აყვანის გაზრდას. მოხსენების სხვა რეკომენდაციები გულისხმობს მოსამართლეთა უკეთეს მომზადებას, რათა დადგეს საკითხი იმაზე, რომ ქალის ქცევამ შეიძლება გაუპატიურებას შეუწყოს ხელი, ასევე კვოტების საშუალებით კანონმდებელ ქალთა რიცხვის ზრდას. 28 ქვეყნიდან, რომლებსაც პარლამენტში 30%-ზე მეტი ქალი ჰყავთ, 23-მა კვოტები გამოიყენა.საერთაშორისო ორგანიზაცია VSO-მ მოხსენებას უწოდა „საგანგაშო ზარი“ მსოფლიო ლიდერებისათვის, რომლებიც ქალებისთვის თანასწორუფლებიანობას არ უზრუნველყოფენ. „მრავალ ქვეყანაში ჯერ კიდევ არსებობს მრავალი ხარვეზი კანონმდებლობაში, რომლებიც ქალებს სათანადო დაცვის გარეშე ტოვებენ“, - თქვა კეტი პიჩმა, VSO-ში დიდი ბრიტანეთის საგარეო კავშირების ხელმძღვანელმა. Source - day.az
Share to:https://www.aspurcela.ge/asp-News_-_file_-_article_-_sid_-_2779.html
| |||
| Posted by Drakula | 07 Jul 2011, 19:30 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.